Skip to main content

Meeqqat Ulluat nittartakkakkut

Meeqqat Ulluat, juunip aallaqqaataat, nittartakkakkut attaveqatigiittarfinni nalliussineqassaaq.

Nunatsinni Meeqqat Inuusuttullu pillugit Suliniaqatigiit coronavirusip tunillaassoratarsinnaanera aporfiginagu Meeqqat Ulluat nittartakkakkut attaveqatigiittarfinni malunnartillugu nalliussiniarpaat.

- Siunertaraarput Kalaallit Nunaanni immitsinnut ungasikkaluaqaluta ataatsimuussusermik takutitsissalluta, meeqqat inuusuttullu pillugit suliniaqatigiit katillugit arfineq-pingasuusut, soorlu Kalaallit Meerartaat, Unicef aamma Kalaallit Røde Korsiat tusagassiorfinnut nalunaaruteqarlutik allapput.

Meeqqat inuusuttullu pillugit suliniaqatigiiffiit meeqqat nunatsinni meeraqatiminnut inuulluaqqussuteqarnissaannik kaammattuipput.

Videoliaq ima imaqarsinnaavoq:

  • Inuulluaqqussut
  • Ikinngutigiinneq sunaava?
  • Meeraalluni suut nuannerpat?
  • Ulloq ataaseq Naalakkersuisuni siulittaasuuattut sulisinnaagaluaruit suut suliarissagaluarpigit?

Meeqqat inuusuttullu pillugit suliniaqatigiit tusagassiorfinnut nalunaarutiminni ilisimatitsipput video facebookikkut ikkunneqarsinnaasoq hashtag #KatersuunnataAqatigiitta aamma #sammenhverforsig atorlugit.

Illoqarfiit Meeqqat Ulluannut atatillugu aaqqissuussaqarnersut ukioq manna assigiinngisitaarput, coronavirusip tunillaassuleratarsinnaanera pissutigalugu. Avannaata Kommunia facebookimini ilisimatitsivoq Meeqqat Ulluannut atatillugu kommune Ilulissani aaqqissuussaqanngitsoq. Nuummili Nuuk lokalomuseum meeqqanut qalipaanermik isiginnaagassiamillu takutitsinermik aaqqissuisimavoq.

Kalaallit Nunaanni coronavirusimik tunillatsissimasut paasineqarsimasut marluupput. Ataaseq Ilulissani ataaserlu Aasianni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER