Meeqqat ulluat Narsami nalliussineqartoq
Pinsimi meeqqat ulluat atuummat, qaalluarpaluttumi nuannisarneq, nerisassat kiinnakkullu qalipatsinneq Narsami meeqqanut meerarpaluttunullu nuannisartitsimapput.
Pinsip aappaani meeqqat ulloqartinneqarput, ullormi tassani aamma ukioq manna apersortittussat siulliit apersortinnerani ungdomsklubbi arfininngornermi maajip 30-ani nalliuttorsiorniarluni aalajangersimavoq.
Kulturimut sunngiffimmilu ingerlatsivik kiisalu pitsaaliuinermut allaffik ungdomsklubbimik Qaqqavaarsummik suleqateqarlutik aaqqissuussisimapput.
Inuusuttunullumi neqerooruterpassuaqarpoq. Meeqqanut naatitat nutaat, safti lagkagilu sassaalliutigineqarput, inersimasut lagkagisorlutillu kaffisorniartut namminneq akiliuteqartinneqarlutik.
Nipilersorlutik aliikkusersuipput Ammooraq Egede, Benjamin Kielsen aamma Martin Egede. Tamatuma saniatigut meeqqat pississaartarfimmi pinnguarsinnaapput, mooncarsimik pinguarsinnaapput kiinnatillu qalipatsillugit, minnerungitsumillu qaalluarpaluttumi uffarsinnaasimallutik.
Tamaasa ataatsimut isigalugit ulloq Narsami inuusunnunnerusunut nuannersuusimavoq.