Meeqqat uatsinnut utertissigik
Inatsisartut ataatsimiittarfiata saavani aamma Danmarkimi illoqarfinni arlalinni politikikkut iliuuseqarnerni kalaallit meeqqat Danmarkimi pinngitsaaliissummik arsaarinnissutigineqarsimasut qitiutinneqarput. Demokraatinut ilaasortaq Anna Wangenheim tapersiivoq: Angajoqqaat angajoqqaatut pisinnaasaannik misissuisarnerit maanna unitsinneqarnissaat piumasarisariaqarparput.
»Sooruna taama nipaatsigisusi«, »Meeqqavut angerlassapput«, »Meeqqat Anaanamut Ataatamullu utertinneqarlik« aamma »Pinngitsaaliissummik arsaarinnittarnerit unitsinneqarlik«.
Allagartarsuarni amerlaqi suni Nuummi Inatsisartut ataatsimiittarfiata saavani ataasinngormat nivinngaatiterne qarsimasuni oqariartuutigineqartut ilami ninngui taama nipeqarput. Qaammatip aallartisimalernerani Vejlemi rådhusip saa vani aamma Københavnimi Christiansborg ip saavani taama assingusunik iliuuseqartoqartarpoq, aviisi Sermitsiaq allappoq.
Misissuiffigineqarnerusariaqartut
Danmarkimi Nunatsinnilu iliuuseqarnerni suliniuteqartunut ilaapput Qupalu Platou, Petrine Høegh aamma Ivalo Knudsen, taakkulu isumaqarlutik kalaallit politikerii kalaallinut ilaqutariinnut Danmarkimiittu nut pinngitsaaliissummik meeqqaminnik arsaagaasimasunut meeraallu qallunaanut ilaqutariinnut tunniunneqarsimasunut iliuuseqanngippallaartut, meeqqammi taamaalillutik oqaatsitik kulturikkullu kinaassusertik annaasarmatigit.
Ivalo Knudsenip ilaatigut Naalagaaffiit Peqatigiit nunap inoqqaavinut aalajangersagaat innersuussutigai, taakkunanimi allassimammat nunap inoqqaavi, inuiattut immikkut ittutut ataatsimoorlutik kiffaan ngissuseqarlutik, eqqissisimasumik isuman naatsumillu inuunissaminnut pisinnaatitaaffeqartut. Aamma arlaannaatigulluunniit inuiannik toqoraanernik imaluunniit nakuuserfiginninnernik pineqassanngitsut, taakkununnga ilanngullugu meeqqat eqimattanit pinngitsaaliissummik allanut tunniunneqassanngitsut.
– Nunap inoqqaavisa inooqatigiinnikkut, kulturikkut, upperisarsiornikkut aamma anersaakkut pingaartitaat ileqquilu akuerineqassapput illersorneqarlutillu. Aamma Danmark pisussaavoq oqaatsitigut kulturikkullu akimmiffiit kalaallit Danmarkimiittut siumortagaannut naleqquttunik tapersersuissalluni. Kalaallit meerartaat angerlarsimaffiup avataanut inissinneqaraangamik, taava oqaatsitik kulturertillu annaasarpaat, Ivalo Knudsen ilaatigut oqarpoq, taassumalu Naalakkersuisut kajumissaarpai Danmarkimi isumaginninnermut ministerimut Astrid Kragimut saaffiginneqqullugit Danmarkimilu kalaalit meerartaannik pinngitsaaliissummik arsaarinninnerit unitseqqullugit, tassa kalaallit innuttaasut inuttut pisinnaatitaaffii unioqqutinneqarnersut misissuiffigineqarnissaasa tungaanut.
Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq: