Skip to main content

Meeqqat sumiginnakkat annertuumik akiligassiipput

Meeqqat sumiginnakkat amerleriarsimangaarmata, Kommuneqarfik Sermersooq ulloq unnuarlu paaqqinnittarfinnut saniatigut 46 millionit koruuninik aningaasaliisariaqarpoq.

Ukiormanna illoqarfiit pingaarnersaasa kommunia nalunaarusiani marlunni sakkortuunik isornartorsiorneqarpoq, tassanilu takutinneqarpoq kommuni meeqqanut sumiginnakkanut naammanngitsumik iliuuseqartoq takutinneqartoq.

33 procentimik qaffariarneq
Kommunip nalunaarusiat isornartorsiortut kingunerat tiguaat, maannalu Ilaqutariinnut Meeqqanullu aqutsisoqarfik saniatigut aningaasaliissutinik qinnuteqarneranik kinguneqalerpoq, aningaasartuutit qaffariasaarnerat pissutigalugu – ingammik ulloq unnuarlu paaqqinnittarfiit iluanni.

Illoqarfiit pingaarnersaata tamatumunnga 2017-imi 142 millionit koruunit aningaasartuutiginissaat naatsorsuutigisimagaluarpaa. Maannalu 188 millionit koruuninut qaffarialerput.

Qaffariaat 33 procentit missaaniittoq.

- Tamatumunnga atuinerup aqunnissaa ajornakusoortorujussuuvoq, sumiginnaasoqartillugu iliuusissat allat tamarmik misilinneqareersillugit aamma naammanngippata, meeqqat angerlarsimaffiup avataanut inissinneqartarnerat inatsisitigut peqqussuteqarmat, Ilaqutariinnut Meeqqanullu aqutsisoqarfimmi pisortaagallartoq, Helene Horsbrugh ilisimatitsivoq.

Politikkikkut ataatsimiititaliap ullumikkut pingasunngornermi ataatsimiinnermini suliaq suliaraa.

Meeqqat 30-t sinnerlugit sumiginnarneqartut
- Qaffariaat annertuvoq, kisianni meeqqat inuusuttuaqqallu sumiginnakkat 30-nit amerlanerusut ulloq unnuarlu paaqqinnittarfimmut inissittariaqarnikuusimavagut, Helene Horsbrugh Sermitsiaq.AG-mut nassuiaavoq.

Meeraq ataaseq angerlarsimaffiup avataanut inissinneqartoq qaammammut kommunip aningaasaateqarfianit 80.000 aanna 100.000 koruunit akornanni akeqarsinnaasartoq, taanna ilisimatitsivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER