Skip to main content

Meeqqat siunissartik Nuuk Centerimi titartassavaat

Meeqqat siunissartik pillugu qanoq takorluugaqarpat? Sulisitsisut taama aperisimapput, meeqqallu Nuummiittut ullumi arfininngornermi titartaatinneqassapput. Meeqqat namminneerlutik Kalaallit Nunaata siunissaanik takorluuinertik titartassavaat.

- Sivisuumik oqallisigaarput, amerlanerillu isumaqatigiissutigaat: meerartavut atuarfimmi naammattunik ilikkangaqarneq ajorput. Amerlavallaarput meeqqat atuarfiat qimallugu ilinniagaqaqqinnissamut naammattumik piareersarsimasanngitsut, taamaattumik aamma pitsaasunik suliffeqalerneq ajortunik.
Paasisitsiniut meerartavut pitsaanerusumik siunissaqartariaqarput atorlugu Sulisitsisut sammivaat, meeqqat atuarfiat qanoq iliornikkut pitsaanerulersinneqarsinnaasoq.

Sulisitsisut tusagassiutinut nalunaarutaanni taama allassimavoq.

Sulisitsisut angajoqqaat aanaakkullu meeqqat atuarfiat qanoq isumaqarfigineraat aperaat.​

  • ​​​Angajoqqaat quliugaangata, arfineq pingasut meeqqamik siunissaat isumakulunnartoqartittarpaat.
  • Angajoqqaat quliuppata, tallimat isumaqartarput meeqqat atuarfianni ilinniartitsineq appasippallaartoq.
  • Angajoqqaat quligaangata piungasut meeqqat atuarfiat iluarisimaartaraat.

Suliniut

Sulisitsisut misigisarpaat suliffeqarfiit sulisussanik pissarsineq ajulertartut. Tamanna peqqutigalugu Sulisitsisut utaqqiinnarunnaarput, siuttuulerlutillu, aaqqissuutissallu arlalippassuit tikkuartulerlugit, meeqqanut ilinniartitsisunullu meeqqat atuarfiannik pitsanngortitsissutissat – suliassat
tamarmik naammassineqarsinnaasut.

- ”Oqallisseqqittariaaruppugut. Utaqqeqqittariaaruppugut. Qanoq iliuuseqarluarsinnaavugut. Maannakkuugallartoq suliassat sisamat toqqarpavut, meeqqat atuarfiata kivinneqarnissaanut ikorfartueqataasussat​​, Sulisitsisuni pisortaq Brian Buus Pedersen tusagassiutinut nalunaarummi oqarpoq.

Titartaatitsineq

Sulisitsisut aalajangerput meeqqat toqqarlugit aperissallugit siunissaq qanoq takorloorneraat pillguu. Taakkumi pineqarmata.

Juaaka aggissaaq, nalliuttorsiualaarnerlu aquttuuffigissallugu, Hinnarik titartaasunut akuussaaq aamma Da Bartali Crew nuannarineqarluartunik ualip ingerlanerani nipilersukkanik appittassapput.

- Nunatsinni meerartatta pitsaasumik siunissaqarnissaat tamatta akisussaaffigisariaqarparput. Siunissamik pitsaanerulersitsinissamut tunngavissaq tassa meeqqat atuarfianni ilinniagaqarluarsimanissaq.
Taamaattumik Sulisitsisut nunatsinni meeqqat pitsaanerusumik siunissaqartinnissaannut suliniutaat tapersersorpara, Juaaka qilanaaqisoq pisussaq sioqqullugu oqaluttuarpoq.

Pisussat aallartissapput nal. 12.00 Juaaka tikilluaqqusisoralugu Da Bartali Crew-ilu nipilersortoralugit, Da Bartali Crew takkuteqqissapput 14.30, kiisalu aaqqissuusineq naappat 16.00. Hinnarik piareersimassaaq meeqqat tamaasa kutaarnissaannut, meeqqallu issiaqatigalugit titartaaqataassalluni, ualip ingerlanerani
meeqqat titartaaneranni ikiuuttassalluni.​​​​​​​

Titartakkat tamarmik katersorneqassapput assilineqarlutillu, meeqqat siunissaminnut takorluugaat Nunatsinnit tamarmik takuneqarsinnaasunngortinneqassallutik.​​​​​​​

Paasisitsiniaanerup siunertaraa, nunatsinni politikkerinut takutissallugu aaqqiissutissat annertoorsuunngikkaluit atorlugit aaqqiisoqarsinnaasoq, meeqqat atuarfiannik pitsanngorsaanissamut
aamma meerartatta siunissarissaarnissaannut. Qanoq iliuuseqarnissarlu pisariaqartoq.​​​​​​​

Meeqqanut Ilaqutariinnullu Ataatsimiititaq: Nuumi innuttaasunik ataatsimiisitsineq
Kommuneqarfik Sermersuumi Meeqqanut Ilaqutariinnullu Ataatsimiititaq Nuummi innuttaasunik ataatsimiititsissaaq, marlunngorneq 18. novembari 2019.
Paamiuni timersortartoq sulerusussuseqarluartoq isumassarsialillu timersortarfimmi pisortanngorpoq
Kim J. Jensen Paamiuni novembarip aallaqqaataani timersortarfimmi pisortanngorpoq, suliniutillu siulliit aallartinneqareerput.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER