Skip to main content

Meeqqat pisinnaatitaaffii Sermersuumi oqaluuserineqassasut

Nakuusap aamma Kommuneqarfik Sermersuup akornanni isumaqatigiissutip meeqqat inuusuttulu kommunimi sunniuteqarsinnaanerat nukittortissavaa

Kommuneqarfik Sermersuumi borgmesteri, Asii Chemnitz Narup (IA), aamma ilaqutariinnermut, naligiissitaanermut isumaginninnermullu naalakkersuisoq, Martha Lund Olsen (S), meeqqat inuusuttullu sunneeqataanissaannut aamma aalajangeeqataanissaannut nukittorsaasussamik suleqatigiinnermut isumaqatigiissummik ataasinngornermi atsioqatigiissapput.

Nakuusap suliniutaa 'Uagut ulluinnarput, uagut niperput' aqqutigalugu suleqatigiinnissamut isumaqatigiissutip aamma siunertaraa, FN-ip meeqqat pisinnaatitaaffii pillugit isumaqatigiissutaanut ilisimasat annertusineqarnissaat. Isumaqatigiissutillu taamaalilluni kommunimi malinneqarnissaanut tunngavik nukittortissavaa.

Meeqqat siunnersuisoqatigiit
Nakuusa meeqqanut siunnersuisoqatigiinnik kommunini sisamani pilersitsiniarpoq. Taakkulu siunnersuisoqatigiit 10 - 15-nik ilaasortaqassapput, 13 - 18-illu akornanni ukioqartunik.

Kommunit arlalinnik illoqarfeqarlutillu nunaqarfeqarmata, elevhjemini najugaqartut Meeqqat Siunnersuisoqatigiinnut ilanngunnissaannut kajumissaarneqassapput, kommunit taamaalillutik illoqarfinnit nunaqarfinniillu amerlanerpaanit ilaasortaqarnissammata.

Atuarfinni tamani
Taakku saniatigut siunertarineqarpoq, Nakuusuaqqat siunnersuisoqatigiinnik nunatsinni atuarfinni tamanani 81-ini pilersitsisoqarnissaa, taakku aamma meeqqat pisinnaatitaaffiinik suliaqassapput.

Nakuusa Qeqqata Kommunianik marsimi suleqatigiinnermik pilersitsereerpoq - Kommuneqarfik Sermersuumik isumaqatigiissummik atsioqatigiinnissaq tassa tullinnguuppoq.

Assit: Sisimiuni ilaqutariit Nakuusap katersorpai

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER