Piniarneq

Meeqqat piniarnermut allagartamik arsaarneqarsinnaapput

Meeqqat inuusuttuaqqallu inuussutissarsiutigalugu aamma sunngiffimmi pinialuttartutut allagartartaarsinnaapput. Maannakkulli malittarisassat oqartussaasunit eqqarsaatersuutigineqalerput. Allannguisoqarsinnaavoq

Meeqqat 140-t aqqaneq-marluk 16- illu akornanni ukiullit ukiuni kingullerni pingasuni sunngiffimmi piniarnissamut allagartaartaarsimapput. Tamanna Naalakkersuisut nutaamik naatsorsuineranni takutinneqarpoq.

Qujanartumik ukiukitsut aallaasersoraangamik qaqutiguinnaq ajutoortoqartarpoq, taamaakkaluartoq naalakkersuinermik suliaqartut maannakkut sunngiffimmi pinialuttartut aqqaneq-marlunnik ukioqalernerminniit piniarnermut allagartartaartarnissamut killigitinneqartup allanngortinneqarnissaa eqqarsaatersuutigilerpaat.

Tamanna Naalakkersuisumit Karl-Kristian Krusemit § 37 malillugu akissutaavoq, aperisuuvorlu parteeqataa Laura Táunâjik. Taanna meeqqat allaasersorsinnaanerat pillugu akuersissutigineqartartumik apeqquteqarsimavoq.

- Naalakkersuisuni inatsisinik atortitsinermut naalakkersuisoqarfimmit Danmarkimi Inatsisinik atortitsinermut ministeriaqarfimmi sulisut suleqatigalugit Pinerluttulerinermut Inatsit iluarsaateqqilerpaa aamma ukiut killiliussat allanngortinneqariaannaapput. Aalisarnermut Piniarnermullu Naalakkersuisoqarfimmi piniarnermut aalisarnermullu inatsimmik aamma iluarsaassisoqarpoq, tassanilu aallaasersorsinnaanermut ukiut killiliussatut piumasaqaataasut aamma iluarsaanneqartut Karl-Kristian Kruse Laura Táunâjimmut akissummini allappoq.

Powered by Labrador CMS