Skip to main content

Meeqqat pillugit Siunnersuisoqatigiit nutaanik ilaasortassarsiorpoq

Meeqqat pillugit Siunnersuisoqatigiit ukiuni tullerni marlunni ilaasortassaanik innersuussisoqarsinnaanngorpoq.

Siunnersuisoqatigiit arfinilinnik ilaasortaqartut piffissaliunneqarnerat naammassingajalerpoq. Isumaginninnermut Inatsisinillu Atuutsitsinermut Naalakkersuisoqarfik ilisimatitsivoq siunnersuisoqatigiit nutaamik ilaasortaatitassaanik innersuussisoqarsinnaalersoq, taakku ukiuni 2019-2021-imi Meeqqat Illersuisuanik, Aviaja Egede Lyngemik siunnersuisuussapput.

Meeqqat pillugit Siunnersuisoqatigiit allaffissornikkut sullinneqarnerat meeqqat pisinnaatitaaffiinut sullissivimmit MIO-mit isumagineqartarpoq.

Meeqqat pillugit Siunnersuisoqatigiit ilaasortaraat sulianut tunngassuteqartunik ilisimasallit, meeqqanut suliassaqarfimmi iliuusissanik ineriartortitsinerni Meeqqat Illersuisuannut ikiuuttussaasut, meeqqanut tunngassutillit suulluunniit pillugit Meeqqat Illersuisuannut siunnersuisussaallutillu ilitsersuisussaasut, aamma suliassaqarfinni piginnaasaqarfigisaminni ilisimasatik atorlugit ikiuuttussaasut.

- Meeqqat pillugit Siunnersuisoqatigiit ima katitigaassapput, meeqqat peroriartortarnerat ineriartornerallu, meeqqat atuartuunerat, meeqqat kulturikkut sunngiffimmilu sammisassaqartinnerat, meeqqat peqqissuunissaat, meeqqat inatsisitigut inissisimanerat pillugit aammalu meeqqanut immikkuullarissunik pisariaqartitsisunut tunngasunik annertuumik ilisimasaqartoqassalluni, isumaginninnermut naalakkersuisoqarfimmit tusagassiutinut nalunaaruteqarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER