Meeqqat pillugit nangeqattartuliaq filmiliornermi nersornaasiuttakkamik Robertimik nersornaaserneqarnissamut innersuunneqarsimasoq
Danskit/kalaallit meeqqat pillugit nangeqattaatuliaat filmiliornermi nersornaasiuttakkamik Robertimik nersornaaserneqarnissamut innersuunneqarsimavoq
Meeqqat pillugit nangeqattaartuliaq ”Min bedste vens historier” (Ikinngutiginerpaasamma oqaluttuai) tv-kkut isiginnaagassiat ukiumi isiginnaarneqarnerpaasimasut qulit ilaattut innersuunneqarsimavoq, sapaatiuppallu januaarip 26-ani Københavnmimi Robertimik nersornaasiisaqattaartoqalerpat nangeqattaartuliaq nersornaaserneaassanersoq paasinarsissaaq.
Fakta
Danskisut taaguutaa: Min bedste vens historier
Sivisussusai: Immikkoortut arfineq-pingasut 10 minutsinik tamarmik sivisussusillit
Ilitsersuisoq: Tone Mygind Rostbøll
Assiliisoq: Lis Dyre
Qiortaasut: Jakob Juul Toldam, Rebekka Jørgensen, Klaus Heinecke.
Erinniortoq: Asger Rostbøll Mygind
Atortussiortoq: Toolbox Film
Ingerlatsisoq: Maria Stevnbak Westergren
Peqataasut: Theodor Rostbøll Goldbach, Wilhelm David Lumholt Hakesberg, Ilanguaq David Lumholt Hakesberg
Isiginnaagassiaq Nuummi immiunneqarpoq, danskeq/norskeq filmip oqaluttuassartaanik suliaqarsimasoq ilitsersuisorlu Tone Mygind Rostbøll ilitsersuisuusimalluni, ilitsersuisup ernera filmimi pingaarnertut inuttaavoq. Danskeq/kalaaleq erinarsortartoq nipilersortartorlu Ilannguaq David Lumholt taassumalu ernera Wilhelm aamma filmimi inuttaapput.
Ikinngutigiilluarneq
Meeqqat pillugit nangeqattaartuliami ikinngutigiilluarneq pinnguaqatigiilluartarnerlu nersorniarneqarput. Nangeqattaartuliami Kalaallit Nunaanni piniariartarneq, kaffillertarneq, ersinartulersaaruttarneq qipoqqaallu takutinneqarput, Wilhelmip aanaava kalaallit oqaluttuatoqaannik aamma oqaluttuartinneqarpoq.
”Min bedste vens historier” isiginnaarluarneqarnerpaatut Robertimik nersornaaserneqassanersoq isiginnaartut taasinermikkut aalajangissavaat. Una aqqutigalugu taasisinnaavutit.