Meeqqat peqqinnartunik nerisassiornermi pikkorissartut
Nuummi meeqqat aasaanerani peqqinnartunik nerisassiornissamut pikkorissarput. Kommuneqarfik Sermersooq Maria Motzfeldt peqatigalugu meeqqanut workshoppertitsivoq.
Meeqqat hunnorujut sinneqartut quliniit aqqaneq-marluk tungaanut ukiullit igaffimmi nuannisarlutik nerisassat peqqinnartut qalipaatigittullu pikkorissarfigeriitigalugit, meeqqat pisinnaatitaaffii pillugit aasaanerani pikkorissarput. Pikkorissaaneq piviusunngorpoq Kommuneqarfik Sermersooq, Paarisa, Unicef Grønland, Royal Greenland aamma FoodLab suleqatigiinerisigut.
- Foodlab-imi tulluusimaarutigaarput, suliffeqarfiit suliniaqatigiiffiillu akimorlugit suleqatigiinnikkut meeqqat nerisassiornermik nuannarisaqartut 100-t Foodlab-ip igaffiani ulloq ataaseq sammisaqartinneqarsinnaammata. Meerarpassuit peqataasut qutsavigaavut, ataatsimoorlutalu kivitseqatigiinnissatsinnut suleqatitsinnut qujanarujussuaq, Foodlab-imi aqutsisoq Anne Nivíka Grødem oqarpoq.
Maria Motzfeldt aqutsisutut
Pikkorissaanermi Maria Motzfeldt ilitsersuisuuvoq, taanna ilaatigut Akutaaneq Kreutzmann peqatigalugu Tasiilami 7. klassimi atuartut peqqinnartumik inooriaaseqarneq pillugu 2020-mi pikkorissaajartornikuuvoq.
Maria Motzfeldt tusaamasaassutaasa ilagaat TV-ikkut aallakaatitassiaq, Tammartagaq. Akutaaneq Kreutzmannilu assammik arsartartuulluni.
- Ilitsersuinertaani Maria Motzfeldt aqutsisuuvoq, nerisaqarnissamullu siunnersuutinit quliusunit aalisakkanik nerisaqarnissamik siunnersuut pingaarnerutinneqarpoq. Meeqqat quliniit aqqaneq-marlunnut ukiullit peqataaneranni ilisimasat tamakkua ingerlateqqinneqarnissaat pingaaruteqarpoq, tassami ilisimatusarnikkut paasineqarmat, taakkorpiaat pillugit ilisimasaqalerunik siunissami peqqinnarnerusunik nerisassiortalernissaminnut aalajangersinnaanerulissammata, Kommuneqarfik Sermersooq paasissutissiivoq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...