Skip to main content

Meeqqat narlunngitsunik kigutillit suliaritittarnerat unitsivinneqartoq

Siunissami Nuummi meqqat inuusuttullu kigutaasa narlorsartittarnerat unitsinneqarpoq. Namminersorlutik Oqartussat taamatut tusagassiorfinnut nalunaaruteqarput.Suliaritittulli tamarmik naammassillugit suliarineqassapput.

Meeqqat kigutaannik narlorsaasarnissamik nuna tamakkerlugu neqerooruteqarnissamut aningaasat imaluunniit kigutit nakorsaat immikkut ilinniagallit naammanngillat. Taamaammat kigutinik nalunngitsunik suliarinninnissamut neqeroorut unitsinneqarpoq.

- Soorunami kissaatigerusuppara maannakkoqqissaaq naammattunik aningaasaateqarlutalu Kalaallit Nunaat tamaat kigutilerisunik immikkut ilinniagalinnik kigutinik narlorsaanissamut neqerooruteqarsinnaassalluta. Kisianni peqqinnissaqarfimmi suliassat allat amerlasuut pingaarutillit pissutigalugit politikeriusugut nuna tamakkerlugu kigutit narlorsartinnissaanut aningaasanut inatsimmi 2020-mut aningaasanik nassaarsinnaasimanngilagut, Martha Abelsen (S) tusagassiorfinnut nalunaruteqarnermi oqarpoq.

Inatsartut Peqqissutsimut Ataatsimiititaliaata Naalakkersuisunullu partiip tapersersortaasup Demokraatit, taamatut aalajangiineq isornartorsiorsimavaat.

Kigutinut narlorsaatit, meeqqat kigutaannik narlorsaasarnissamut pisortat neqerooruteqarunnaarnissaannik aalaangiineq isornarorsiorneqangaatsiareersoq, 2020-mut aningaasanut inatsimmut ilaatinneqarnissaa isumaqatiginninniutigineqarsimavoq.

Kalaallit Nunaanni meeqqat kigutiminnik narlorsartinnissamut assigiimmik periarfissaqartinneqassappata, kigutilerisut immikkut suliaqarsinnaasut sulisorineqalersinnaappata ukiumut 15-20 millioner koruuninik aningaasartuuteqarnerusoqartassasoq, naalakkersuisoqarfimmi pisortap Tine Parsip september 2019-imi Sermitsiaq.AG-mut ilisimatitsissutiginikuuaa.

Suliaritinnerit aallartinneqareersut naammassineqassasut

Namminersorlutik Oqartussat tusagassiorfinnut nalunaaruteqarnermi ilisimatitsissutigaat, Nuummi meeqqat inuusutullu kigutaannik narlorsaanerit aallartinneqareersut naammassillugit suliarineqassasut.

Meeqqat suliaritinnissamut maanna utaqqisuniittut, suliartinnissamut neqeroorfigineqassapput, nakorsartinnissamik unitsitsiartuaarneq ukiuni pingasuni sivisussuseqartussaammat.

Peqqissutsimut Naalakkersuisoq Martha Abelsen ilisimatitsvoq, meeqqat kigutiminnik narlorsartinnissaannut piffissami qanittumi periarfissaqalissasoq:

- Isumaga malillugu manna tikillugu innuttaasut akornanni naleqqutinngitsumik immikkoortitsisoqarsimavoq. Taamaattumik – neriuppunga piffissami qanittumi – kigutit narlorsarnissaanut akissaqaqqilerutta, taava neqeroorut kalaallit meerartaasa inuusuttortaasalu kigutiminnik narlorissartinnissaminnut pisariaqartitsisunut tamanut atuutissaaq, Martha Abelsen oqarpoq.

Læs hele sagen:

  1. Den offentlige tandpleje dropper bøjler
  2. Pisortat kigutileriffiini bøjlelersuiunnaarput
  3. Kigutigissaanermi allannguisoqarnera nalunaarummik malinninngilaq
  4. Ændring i tandplejen er i strid med bekendtgørelse
  5. Spar ikke på tandsundheden
  6. Meeqqat kigutaasa peqqissusaannut tunngatillugu sipaarasi
  7. Bøjlet pillugit suliaq isornarluinnarpoq
  8. Tandbøjle-sag er under al kritik
  9. Nedskæringer er ikke godkendt
  10. Chokregning på 40.000 kr.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER