Skip to main content

Meeqqat misileraataasimasut oqaluttuassartaat atuarneqarsinnaalerpoq

Meeqqat 22-t misileraataasimasut oqaluttuassartaat, Nunatta oqaluttuarisaanerani taartutut oqaatigineqarsinnaasoq maanna atuakkami atuarneqarsinnaalerpoq. Namminersorlutik Oqartussat taama paasissutissiipput.

Meeqqat 22-t Danmarkimut 1951-mi aallartinneqarput, taakkua kalaallini siullersaallutik inuunerissaalernerminni Nunatsinni siuarsaasussatut misileraatigineqarput. Meeqqat kalaaliunertik danskisullu oqaluinnalernerminni siuarsaasinnaasasut taamani naatsorsuutigineqarpoq. 

LÆS OGSÅ: Kiisami utoqqatsertoqarpoq

Meeqqat aallartitaasimasut oqaluttuassartaat Naalagaaffiullu oqaluttuarisaanerani oqaluttuaq pingaarnersaat ilaat atuagaq aqqutigalugu tammatsaaliorneqassaaq. 

- 1951-imi meeqqat 22-t Danmarkiliartinneqartut pillugit oqaluttuarisaanermik pilersitsivoq. Aalajangiinerit amerlasuut imaaliallaannarlugit aalajangerneqarput. Aalajangiinerit siunertamut naapertuutinngillat. Piffissap ingerlanerani misileraaneq puigorneqaraluttuinnarpoq aamma misileraaneq kattuffinnit imaluunniit suliffeqarfinnit malitseqartinneqanngilaq, Namminersorlutik Oqartussat allapput. 

Atuagaq atuakkanik atorniartarfinni atorneqarsinnaasaaq

Danmark ukioq kingulleq pisortatigoortumik meeqqanut 22-nut utoqqatserpoq, tamanna pivoq ukiut 69-it qaangiutereersullu. Mette Frederiksen Danmark sinnerlugu meeqqanut 22-nut utoqqaterpoq, taakkunannga arfinillit suli uumapput. 1951-imi meeqqat 22-t Danmarkiliartinneqartut oqaluttuassartaat pillugu qulaajaanerup tamanut saqqummiunneqarneranut atatillugu taamak iliorpoq. 

LÆS OGSÅ: Oqaluttuaq oqaluttuarissallugu qattutinngisaannaraa

- Qulaajaaneq massakkut atuaganngortinneqarpoq aamma Meeqqanut, Inuusuttunut Ilaqutariinnullu Naalakkersuisoqarfimmit saqqummersinneqassalluni. Kalaallit Nunaata oqaluttuarisaanerata kapitalianik paasisaqarnerunissat kissaatigigukku atuagaq nunatta atuagaateqarfiani, sinerissami atuakkanik atorniartarfinni kiisalu Ilisimatusarfiup atuagaateqarfiani atorneqarsinnaavoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER