udsatte
Meeqqat kisimiittuni peroriartortut aningaasakilliornerusarput
Aningaasakilliortut atugaat pitsanngoriartunngillat
Meeqqat, kisermaanik peroriartortut, pissakilliorlutik peroriartornerusarput. Naatsorsueqqissaartarfiup aningaasakilliortut pillugit kisitsisaataasa nutaat takutippaat.
Meeqqat kisimiittuniittut pineqartillugit 9 procentii anignaasakilliortuusarput. Meeqqallu aappariinniittut 1 procentii kisimik aningaasakilliortarlutik. Aappariillu ataasiinnarmik meerartallit aningaasakilliortuusaratik imaluunniit ilaqutariit katillugit 17-it piitsuupput.
Meeqqat angajoqqaani kisimiittuni peroriartortut ukiuni kingullerni pitsanngoriaateqarsimanngillat. Kisitsimmi 2012-miilli allannguuteqarpallaarsimanngilaq.
Naatsorsueqqissaartarfiup naatsorsuinermini, agguaqatigiisillugu isertitaniit 50 procentimik annikinnerusumik isertitaqartut 'aningaasakilliortutut' taaneqarput. Inuiaqatigiit isertitaqarnerit affaat isertitakinnerillu affaat, agguaqatigiisinnerini isertitanut naatsorsorsugaapput.