Skip to main content

Meeqqat inuusuttullu innarluutillit pillugit seminareqassaaq

Inooqat aamma Danmarkimi kattuffik LEV Nunani Avannarlerneersut Nuummi 14. aamma 15. juni isumasioqatigiinnissaannut qaaqqusipput

Innarluutilinnik qitornallit peqatigiiffiat Inooqat aamma Danmarkimi innarluutillit atugarisaannik qanigisaanillu sullissisut LEV,  Orniguffik Kammagiinni seminareqartitsissapput juunip 14-ni 15-nilu. 

Isumasioqatigiinnermi ilaatigut peqataasut isumassarsisinneqassapput iliuuserisinnaasanillu pissarsissallutik Nunani Avannarlerni allani qanoq iliuusissanik pilersaarusiortarnerit, oqilisaanneqartarneq aammalu najugarfinnik neqeroorutit pillugit.

Sammisassat pissarsiaapput Ilaqutariinnermut Inatsisinillu Atuutsitsinermi Naalakkersisoqarfimmit aammalu Inooqat-ip marts 2014-mi ataatsimiisitsineranit: Kalaallit Nunaanni ineriartornermikkut akornutillit pillugit unamminartut, pisariaqartitat siunissamilu periarfissat. 

Taakkua saniatigut Inooqat-ip meeqqanut inuusuttunullu ineriartornermikkut akornutilinnut angajoqqaatut ilaqutaasutullu peqatigiiffiunermini ukiup siulliup qanoq ingerlasimanera aammalu ingerlaqqinnissami pingaarnersiuinerit saqqummiutissavai. 

Nunani Avannarlerneersunit isumasioqatigiinneq isumasioqatigiinnerit pingasuusut kingullersaraat angajoqqaat, sullissisut allallu attuumassuteqartut misilittakkanik ilikkakkanillu avitseqatigiiffigisartagaat nunani avannarlerni meeqqanut inuusuttunullu ineriartornermikkut akornutillinut atugassarititaasut pillugit. Isumasioqatigiinnerit siunertaraat imminnut isumassarsisinneqarnerit ilikkagaqarnerillu nunat avannarliit akimorlugit.

Kikkulluunniit tikilluaqqusaasut
- Kikkut tamarmik tikilluaqqusaapput, angajoqqaaniit ilaqutaasuniillu sullissisunut pissortaqarfinneersunullu. Siunertaavoq ilikkagaqarnissamut attaveqaammik pilersitsinissaq meeqqat inuusuttullu ineriartornermikkut akornutillit qanoq pitsaanerusumik siunissaqarnissaat ilisimasaqarfiginerulerniassagatsigu, Inooqatip siulittaasua Benny Kokholm oqarpoq.

Saqqummiisussat Savalimmiuneersuupput, Sverigemeersuupput, Danmarkimit Kalaallit Nunaanneersuullutillu. 

Isumasioqatigiinneq akeqanngilaq uungalu nalunaartoqassaaq cb@lev.dk. Kingusinnerpaamik nalunaarfissaavoq marlunngorneq juunip qulingat. Aaqqissuisut isumasioqatigiinnermut siumut utimullu angalaneq najugaqarnerlu akilersinnaanngilaat. Isumasioqatigiinnermi sutugassaqassaaq. 

Pilersaarut talerpiata tungaani takuneqarsinnaavoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER