Skip to main content

Meeqqat immineq timiminnut oqartussaanerat pillugu titartakkatut filmiliaq nutaaq

Kalaallit Nunaanni Meeqqat Ikiortigit titartakkatut filmiliamik, meeqqat namminneq timiminnut atatillugu qanoq qagukkullu killiliisinnaanerminnik paasinninnissaannut ikiuutaasinnaasumik ullumi saqqummiussipput.

Kalaallit Nunaanni Meeqqat Ikiortigit aamma Pitsaaliuinermut Isumaginninnermullu Aqutsisoqarfik suleqatigiillutik nammineq timimut tunngatillugu killiliisinnaaneq aalajangiisinnaanerlu pillugit meeqqanut inersimasunullu naatsumik titartakkatut filmiliorsimapput.

Naalakkersuisut kinguaassiuutigiut atornerluisarnerit akiorniarlugit periusissiaat
Killiliisa anguniarumallugu taamatullu Kalaallit Nunaat toqqissisimaffiulluni
kinguaassiuutitigut atornerluisoqarfiunngitsoq pilersikkumallugu titakkatut filmiliaq suliarineqarsimavoq.

- Titartakkatut filmilionermi anguniarneqarpoq, meeqqat namminneq timiminnut atatillugu aalajangiisinnaatitaanerminnik paasisaqarnerunissaat, Meeqqat Ikiortiginit oqaatigineqarpoq.

Paquminartuliorunnaartoqassasoq

Filmimi ”Uangaana Timiga”-mik taaguuserneqartumi atortussiat allat atorlugit qaammarsaanerit, paquminartuliorunnaarnissaq oqaloqatigiinnerulernissarlu anguniarneqarput taamallu meeqqanut, inersimasunut, ilinniarsimasutut suliaqartunut innuttaasunullu siammasissumik ilitsersuutigineqarluni kinguaassiuutitigut atornerluinernik
ilisimasaqarnermi qisuariaateqarluni iliuuseqartarnissaq, Meeqqat Ikiortigit filmimik saqqummiussineq pillugu tusagassiorfinnut nalunaaruteqarlutik allapput.

Meeqqat Ikiortigit Aqutsisoqarfillu taaneqartoq neriuuteqarput, meeqqat imminneq timiminnutoqartussaasuunerat ilinniartitsisut, perorsaasut ilaqutariillu akornanni
oqallissutaalersin-naassasoq paasineqarluni qanoq unissaasoqarsinnaasoq allalu
allat killigisaannik ataqqinnittoqarnerulersinnaanissaq.

- Uagut inersimasuusugut suna tamaat atorlugu meeqqagut illersorniassavagut,
meeqqanut kinguaassiuutitigut atornerluisarneq unitsikkumallugu. Meeqqatta
atorfissaqartippaat uagut inersimasuusugut akisussaaffimmik tigusinissarput
iliuuseqarnissarpullu.

- Taamaattumik explaineri ineriartortinnikuuarput inersimasut meeqqanik kinguaassiuutitigut atornerluisarneq pillugu oqaloqatiginnissinnaanerat
ajornannginnerulersikkumallugu paasitillugit timertik namminneq oqartussaaffigimmassuk, Meeqqat Ikortigit siulittaasuat Jonna Ketwa oqarpoq.

 

Atortussatut sanaat tamarmik akeqanngillat Kalaallillu Nunaanni Meeqqat Ikiortigit nittartagaa aqqutigalugu pissarsiarineqarsinnaallutik. Taamatullu iliornikkut malinneqarpoq Meeqqat Pillugit Isumaqatigiissummi § 34, tassanimi naqissuserneqqarluni
allanneqarpoq, meeqqat kinguaassiuutitigut atornerlunneqarsinnaanermut
illersorneqassasut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER