Meeqqat illorsuaq qimataq tiguaqqavaat
Ikuallannerit, ajujoornerit, hashitorneq allallu pisut ilungersunartut illu pilukaffinngortippaat. Namminersorlutik Oqartussat suli neriuutigaat inissami nutaamik sananissartik
Nuummi arsaattarfiup eqqaani KNR-p illutoqaani Namminersorlutik Oqartussanit pigineqartumi aallaqqaammut qulimiguulinnut iniliatut sananeqaqqaartumi ilungersunartumik ajutoortoqarnissaa qaqugu pissanersoq apeqqutaaginnalerpoq.
Tusarfinnit assigiinngitsunit oqariartortoqartarpoq, isumaqartunik illu isumannaatsumik matuneqarsimanngitsoq, taamaalillunilu meeqqat inuusuttullu isernissaat ajornanngippallaarluni. Isertarpullumi, AG allappoq.
Tassaalersimagunarpoq meeqqat inuusuttullu katersuuffiat, naak matuneqarsimagaluartoq iserfissaminnik nassaarsinnaasarlutik. Tassani imigassartortarput hashimillu pujortarlutik ajutoornerillu annikinnerit annertunerillu nalaattarlugit.
Sapaatit akunnerisa pingasut ingerlaneranni qatserisartut sisamariarlutik annikitsumik ikuallannernut aggersarneqartarsimapput.
Qatserisartunut ulorianartoq
Kingullermik qatserisartut illumut iserput tamaasalu isumannaarlugit, annertunerusumilli ikuallattoqassappat qatserisartut allatut iliorsinnaassanngillat innerup siaruaatinnginnissaa kisiat isumaginiarlugu, arlaqartut AG-mut oqarput. Illumut isernissaq qatserisartunut ulorianarpallaaqaaq, sumimi tamaani ledningeqarpoq.
KNR-p illutarisimasaata qanittuaniipput ilaatigut inissiarsuit nutaat marluk, akunnittarfik allineqalersoq inuusuttunullu suliniaqatigiiffik.
KNR-ip illutarisimasaani ajornartorsiutit politiit ilisarisinnaavaat. Ikuallannernut inuillu aserorterisut imaluunniit meeqqat inuusuttullu ulorianartumik pinnguartut pillugit aggersarneqartarput nalunaarfigineqartarlutillu. Ukioq mannaannaq politiit pisut qulingiluat nalunaarsorsimavaat, tassalu pisimasunik nalunaarnerniit pisunut politiit orniguffigisariaqagaannut.
Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq:
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...
