Skip to main content

Meeqqat Illersuisuat: Naalakkersuisut Kalaallit Nunaata nunarsuarmioqataasutut pisussaaffii tunulliuppai

FN-ip Meeqqat pillugit Isumaqatigiissutaa, Inuit pisinnaatitaaffii pillugit Isumaqatigiissut, Nunat Inoqqaavisa Pisinnaatitaaffii pillugit Nalunaarut aamma Inatsisartut Meeqqat Atuarfiat pillugu inatsisaat Naalakkersuisunit tunulliunneqarput. Meeqqat Illersuisuat taama isumaqarpoq.

Aviâja Egede Lynge IMAK-ip siulittaasua, Birthe Møller Therkildsen, meeqqat atuarfii pillugit oqaaseqarnera isumaqatigaa.

Tusagassiutinut nalunaaruteqarluni taama allappoq.

Aningaasaqarnermut Naalakkersuisoq, Vittus Qujaukitsoq (NQ) aningaasut inatsisissaq aappaagumoortoq saqqummiunnerani oqarpoq meeqqat atuarfiisa angusaat pitsaanngippata kommuni ikinnerusunik aningaasannattalissasoq.

LÆS OGSÅ: Aningaasanut inatsisissaq 2020: Vittusip siunnersuutaa IMAK-ip isornartorsiorpaa

Naalakkersuisut taama pilersaarnerannut Meeqqat Illersuisuat arlalitsigut isumaqataasinnaanngilaq.

- Siullermik sakkortuumik erngummatigivakka meeqqat inuusuttullu amerlaqisut, ullumikkut ilisimasagut naapertorlugit, inuuniarnikkut misigissutsitigullu ajornartorsiutinit aniguiniartut. Psykologit allallu ilinniarsimasut oqaluttuarput, meeqqat ataavartumik erngumaneq, ersiorneq tujorminerlu pillugit uippajaartut, assersuutigalugu oqalunniarnikkut ilikkarniarnikkullu ajornartorsiukkajulersartut​​, Aviâja Egede Lynge tusagassiutinut nalunaaruteqarluni allappoq.

Taassuma aamma erseqqissaatigaa meeqqat atuarfiini atuartut affaasa 2015-imi angusaat ilinniaqqiffissanut aallartinnissamut naammassimanngitsut.

- Qanoq ilillutik atuarfiit, aningaasaliissutit ikilisarneqarpata, meeqqat ineriartornissaminnut ilikkagaqarnissaminnullu pisinnaatitaaffii piviusunngortissinnaagamikkit?​ Nalunaarutimini apeqquteqarpoq.

Meeqqat atugaat naligiikkunnaassapput

Naalakkersuisut aningaasaliinerminnik ikilisaasalissappata, meeqqat akornanni inuuniarnikkut assigiinngisitsineq
meeqqanillu assigiinngisitsineq atulernissaa, meeqqat illersuisuata aarleqqutigaa.

Taassuma Naalakkersuisut eqqaasikkumavai Kalaallit Nunaat FN-ip meeqqat pillugit isumaqatigiissutaannut ukiut 25-it matuma siorna peqataalersimammat, Kalaallit Nunaatalu meeqqat ilinniagaqarnissaannut, ineriartornissaannut pitsaasumillu inuuneqarnissaannut qulakkeerinnikkumalluni atsiorsimammat.

- Naalakkersuisut kajumissaarpakka pisussaaffiit taakkua isiginiaqqullugit, meerartagut ineriartornermikkut, ilinniagaqarnikkut assigiinngisinneqarnaveersaarnikkullu pisinnaatitaaffii qulakkeerneqarniassammata.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER