Meeqqat illersuisuat: Kommunip inatsimmik malinninniarnera nuannerpoq
Kommuneqarfik Sermersuup meeqqat atugarliortut pillugit politikkia nutaaq pappialami kusanartumik oqaasiinnassanngippat isumaginninnikkut misissuisarnernik nakkutiginninnissaa aalajangiisuulluinnassaaq
Meeqqat illersuisuata Aviâja Egede Lyngep Kommuneqarfik Sermersuup meeqqat ilaqutariillu atugarliortut pillugit politikkissaanik kakkaginnigaatsiarneranik oqarnissaq ingasagineqarsinnaavoq. ajungitsulli tungaanut pisariaqartinneqartumik alloriarnertut isigaa.
- Inatsimmimi allassimavoq, kommunit politikkimi oqaasertaliussat malillugi suliassat suliarisussaagaat. Taamaammat nuannerpoq kommuni inatsimmik - akuerineqarneranit ukiut pingasut qaangiuttut malinninniarluni aalajangersimammat, meeqqat illersuisuat Sermitsiaq.AG-mut oqarpoq.
- Politikkimi oqaasertaliunneqarsimasut tunngaviusussaapput, ajornartorsiutit annertoorujussuanngorsinnaanerannik suliaralugillu oqimaassinnaanerannik pinaveersaartitsinissamut.
Kommuneqarfik Sermersooq pingaartumik Tasiilami isumaginninnikkut misissuiniarnermik ajornartorsiuteqartarpoq. Taamatut oqaaseqarneq allaffisornerpalaaraluaqaluni pingaaruteqarluinnarpoq, tassami meeqqap sumiginnagaasimasup, persuttarneqarsimasup atornerlunneqarsimasulluunniit ikiorserneqarnissaanut tamanna tunngavissiisussaammatp.
- Eqqaasitsissutigerusuppara meeqqat pisariaqartinneqartumik ikiorserneqarnissaat qulakkiissagutsigu isumaginninnikkut misissuinerit ingerlaannartumik eqqortumillu ingerlanneqartariaqartut, meeqqat illersersusat oqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...