Skip to main content

Meeqqat illersuisuat: Inuit kikkuugaluartut kinguaassiutitigut innarliisinnaasarput

Illoqarfiit nunaqarfiillu qaavatigut ingerlalluartut, ataanili kinguaassiutitigut innarliisoqarfiusut puigugaasartut, Meeqqat Illersuisuat Aviâja Egede Lynge oqarpoq

Meeqqat Illersuisuata Aviâja Egede Lyngep ilisimasagut oqallisissatut saqqummiuppai.

- Naak paqumiginninneq atuukkaluartoq ullumikkut kinguaassiutitigut innarliisarneq ilisimasaqarfigaarput. Ilisimasagulli aamma eqqoriaanertaqarput. Inooriaatsimi ajornartorsiuteqarnermut tunngatillugu persuttaaneq, imigassamik ajornartorsiuteqarneq, sumiginnaaneq kiisalu kinguaassiutitigut innarliineq eqqatoraangatsigu, imminnut atassuserneqakkajuttarput. Arlalitsigut ataqatigiittarput, tamatiguunngitsorli, Meeqqat Illersuisuat tusagassiutinut nalunaarummi allappoq.

Ingerlateqqitassaanngitsunik oqaloqatiginninnerit

MIO’p suleriaasaa akuutitsinermik tunngaveqarpoq, tassaallunilu innuttaasut oqaaseqarnissaannik periarfissiisoq, uummaamiuinillu oqaluttuartitsisoq. 

- Inuit inuiaqatigiinni qaffasissumi inissisimasut arlaqartut naapittarpagut. Inuusinnaapput atorfigissaartut, inunnullu allanut pingaaruteqartunik atorfillit. Ilaqutariit qullersarisinnaavaat. Oqaluttuutsikkajuttarpugut soorlu kinguaassiutitigut innarliinernik ajornartorsiuteqanngitsut. Innuttalli allat ingerlateqqitassaanngitsunik oqaloqatigileraangatsigit, allaalluinnartumik tusarlerneqartarpugut, Aviâja Egede Lynge oqaluttuarpoq.

Kisitsisit saqquminngitsut

Illoqarfiit nunaqarfiillu qaavatigut ingerlalluartut, ataanili kinguaassiutitigut innarliisoqarfiusut, innarliisup piffinni inooqataasuni inissisimaffia pissutaalluni saqqummiunneqarneq ajortut oqaatigaa. Ilaatigut tassaniipput MIO’p Meeqqallu Illersuisuata kisitsisit saqquminngitsut takusinnaasaat.

- Nuannaarutigaara, kinguaassiutitigut innarliisarnerup pinaveersaartinneqarnissaa isiginiarneqartorujussuummat. Nalunngilarali kisitsiseqarmat saqquminngitsunik meeqqallu amerlanerusut kinguaassiutitigut innarlerneqartarmata. Eqeersimaafigisariaqarpagut takusinnaasatta, tamatigut eqqortumik takutitsisuunngitsut, tunuatungaasa maluginiarnissaat, Aviâja Egede Lynge oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER