meeqqat inuusuttullu
Meeqqat illersuisuata Tasiilami iliuusissaq pissanngatigaa
Kommuneqarfik Sermersuup Namminersorlutik Oqartussani immikkoortortaqarfiit pingasut suleqatigalugit Tasiilami inuuniarnikkut ajornartorsiorneq aaqqiiviginiarlugu nalunaaruteqarnerat, MIO-p nuannaarutigaa
- Tamanna assut isumakulunnarpoq.
MIO meeqqanut illersuisuat Aviâja Egede Lynge, Tasiilami meeqqat affaat inuuniarnermikkut ajornartorsiortut ataasinngornermi Sermitsiaq.AG-mi atuareerlugu taama oqarpoq.
Atuaruk: Taasiilami meeqqat affaat inuuniarnermikkut ajornartorsiorput
Kommunip oqariartuutaa, MIO-p ilisimasaanut assingusoq.
Suleqatigiinnerunisaq neriorsuutigigaat
- Tasiilamit nunaqarfiiniillu meeqqanit ingerlanerliortunit inersimasuniillu illoqarfimminni/nunaqarfimmi isumakuluuteqartunik imaluunniit ikiortissaqanngitsunik amerlanerusunik saaffigineqartarpugut, meeqqat illersuisuat oqarpoq.
Kisianni Kommuneqarfik Sermersooq Namminersorlutik Oqartussani immikkoortortaqarfiit suleqatigiinnissamik maanna pilersaarusiorput, Tunumi illoqarfimmi ajornartorsiuterpassuit aaqqiiffiginiarlugit.
Tunumukassasoq
Aviâja Egede Lyngep qanoq piviusunngortitsineq isikkoqalissanersoq qilanaaraa.
- Kommuneqarfik Sermersuup aamma Namminersorlutik Oqartussat aaqqiissutissanik sunik siunnersuuteqarniarnerat assut pissanngatigaara.
Meeqqat Illersuisuata Tunumukarnissani 2017-ip ukiaani pilersaarutigaa.
Tasiilaq pillugu allaaserisat tamarmik uani atuakkit