Skip to main content

Meeqqat illersuisuat: Atuartut pikkorinnerit aamma puigorpagut

Meeqqat inuusuttullu oqaloqatigiittarfiata MIO-p Naaja Nathanielsen (IA) meeqqat atuarfiata pitsaassusaanik isornartorsiuinera taperserpaa. Atuartut - ilaatigut nukittunerusut - takunngitsoorneqartarput

Inatsisartuni politikeri Naaja Nathanielsen (IA), meeqqani pisortat atuarfiani taamaatillugit aalajangernera pillugu, tallimanngorpat Sermitsiaq.AG-mi atuartartunik allaqateqarluni peqataassaaq.

Pingasunngornermi arlaqartut politikerip aalajanngernera paasisinnaallugu oqaatigaat.

Aalajangerneq nammineerluni tulluusimaarutiginngisani.

Atuaruk: Naajap pisortat atuarfiutaat taamaatiinnarpaa

Maanna MIO-mi meeqqat illersuisuata, Aviâja Egede Lyngep, paasinnilluni oqaatigaa.

Taamaammat oqallinneq inersimasut nalingannut unittarpoq, meeqqat illersuisuta oqarpoq, meeqqat atuarfianni oqallinnermi pisuuteqattaartoqarnera pillugu isumaqarluni.

Ajornartorsiortuinnaat isiginiarneqartut
Atuartut atugarliortut atugaat kisiinnarmik isiginiarneqaqqajaasartut, Lynge aamma isumaqarpoq.

- Oqallinnermilu meeqqat aaliangersimasuinnaat eqqartorneqalersartut, soorlu inuuniarnermikkut ajornartorsiortut. Piviusorsiortoq uaniippoq ajoraluartumik meeqqat atuarfiannut inatsisip ulluinnarnilu inuunerup allaanerussusaata meeqqat tamaasa eqqortarmagit; meeqqat atuagarsornermut piginnaanillit, meeqqat atuagarsornerinnaanngikkaluartumik ilinniagaqartussat, meeqqat immikkut ittumik pisariaqartitsisut meeqqallu innarluutillit. 

Atuaruk: Naalakkersuisoq: Nathanielsen paasisinnaavara

- Meeqqat tamarmik massuminnga ajornartorsiummit eqqorneqarput. Inuusuttut meeqqat atuarfiata kingorna inuunermut naammattumik piareersartanngilagut – soorlu assersuutigalugu inuusuttut 29 procentiinnai atuagarsornikkut ima piginnaaneqartigipput GU-mut isersinnaallutik.

Naaja Nathanielsenip ilanngussaa tamaat aamma aalajangerneranut qisuariaatit AG normu 9-mi atuaruk. Aviisi pisiniarfimmi imaluunniit uani ataani pisiarisinnaavat.

Meeqqat atuarfiisa pitsaassusaat pillugu oqallinnermut ilanngunnissannut aamma tikilluaqqusaavutit. Allaaserisap ataani oqaaseqartarfik atoruk. Aammalu tallimanngorpat marsip sisamaani nalunaaqutaq 10.00 - 12.00, Naaja Nathanielsen Sermitsiaq.AG-mi allaqatiginissaanut tikilluaqqusaavutit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER