Skip to main content

Meeqqat illersuisuat: Atuarfiit tamarmik pimmatiginnittarnermut pinaveersaartitsinermik politikkeqartariaqarput

Meeqqat illersuisuat Aviâja Egede Lynge politikerinut tamanut aamma aqutsivinnullu kakkersakkamik nassiusseqqammerpoq, taanna meeqqat pisinnaatitaaffiisa qanoq erseqqissarneqarnissaasa qulakkeernissaannut inassuteqaatinik imaqarpoq.

Tassunga atatillugu meeqqat illersuisuat ilisimatitsivoq, ''pimmatiginnittarneq pillugu atuarfiit paaqqinnittarfiillu tamarmik pimmatiginnittarnermik pinaveersaartitsinissamut politikkeqarnissaannik'' inassuteqarluni.

- Nalunngilarput pimmatiginnittarneq ataatsimoortut akornanni pisarnerusoq. Atuaqatigiit, inimiittut suliffimmiittulluunniit tamarmik sunnerneqartarput. Taamaallaat pimmatiginnittoq pimmatigineqartorlu pineqanngillat. Taamaammat pimmatiginnittarneq pinaveersaartissagutsigu kikkunnik tamanik peqaataatitsiniartarnissarput pingaaruteqarpoq, Aviâja Egede Lynge oqarpoq.

Kakkersagaq politikerinut tunniunneqartoq sammisanut immikkoortitigaasoq, ilaatigullu ilinniartitaanermik allaaserinninnernik inassuteqaatinillu kiisalu pinerluttoqarnerani meeqqat atugaannik, meeqqat angerlarsimaffiup avataanut inissinneqartarnerannik meeqqat peqqinissamik pisinnaataaffiinik allaaserininnernik imaqartoq, tusagassiuutinut nalunaarummi atuarneqarsinnaavoq.

Sammisat arlallit qaqinneqarput, Meeqqat pillugit isumaqatigiissutip immikkoortuinut naleqqiunneqarlutik aammalu suliniuteqarfissanut siunnersuutinik naggaserneqarlutik.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER