Skip to main content

Meeqqat illersuisuat: Aap, nuannersunik oqaluttuanik pisariaqartitsisoqarpoq

Meeqqat illersuisuat Aviâja Egede Lynge qanittukkut Aqqalu Jerimiassenimit isornartorsiorneqarpoq, tassani meeqqat pillugit nuannersunik oqaluttuanik amerlanerusunik ujartuivoq

- Nuannaarutigaara saqqummiunneqarmat isumaqatigeqalugulu aamma nuannersunik oqaluttuaqarnissaa pisariaqarmat. 

Meeqqat illersuisuat Aviâja Egede Lynge, meeqqat pillugit oqaluttuat nuannersut ikippallaat saqqummiunneqartarnerat pillugu, Atassutip Inuusuttaasa qanittukkut isornartorsiuinerata kingorna taama oqarpoq.

Meeqqat illersuisuata meeqqat atugaat pillugit suleqatigiinneq kissaataasa annersaraat.

- Ulluinnarni ilaqutariit amerlasuut suleqatigisarpagut meeqqamik pitsaanerusumik inuuneqarnissaannik kissaateqartut, kiisalu meeqqat imminnut nittarsaassinnaanngitsut sullittarlutigit. Tamakkua amerlaqaat. Nunami angalasarnitsinni misilittakkatta takutippaat, meeqqat ilisimaarilluaraat namminneq meeqqallu allat pisariaqartitaat suunersut, taanna erseqqissaavoq.

Atuaruk: Meeqqat pillugit oqaluttuanik nuannersunik amingaateqarpunga

Ikiortariallit initunerpaapput
- Assersuutigalugu ikioqatigiittarput persuttaaneq kaannerluunniit nalaakkaangamikku. Uagununa inersimasut tamanna nipangiussassatut isigisaripput. Assigiinngissutaa uaniippoq, meeraqarmat illersortariaqartunik ikiorneqartariaqavissortunillu. Namminneq taama iliorsinnaanngillat, sinniisussaminnillu pisariaqartitsillutik, meeqqat illersuisuat oqarpoq.

Meeqqat illersuisuata suliassaasa pingaarnerit ilagivaat Kalaallit Nunaanni inatsisit atuutsitsinerillu FN-ip Meeqqat Pisinnaatitaaffii pillugit Isumaqatigiissummut naapertunnersut misissussallugit, nalilersussallugu meeqqat Kalaallit Nunaanni atugaat isumaqatigiissummut naapertuunnersut, meeqqallu pillugit paasissutissat saqqummersittassallugit, apeqqutit maannakkut pisunut tunngasut oqallisissanngortissallugit, tamat oqallinneranni meeqqat illersussallugit kiisalu inuiaqatigiit ineriartornerat sunniuteqarfissallugu.

Suleqatigiinnissaq neriuutigigaa
MIO-p 2015 – 2018 suleriusissaata ilaanut atatillugu, Meeqqat Illersuisuat nunap kommuniinut sisamanut angalasimavoq meeqqat pisariaqartitaat misissorniarlugit.

- Meeqqat inersimasullu tusarnaarlugit misissuisarpugut oqariartuutaallu ingerlateqqittarlugit, ajoraluartumillu oqariartuutaasa ilaat oqimaatsorujussuusarput. Kommunit kaammattorusuppakka qanoq ilillutik meeqqat pisariaqartitaannik pitsanngorsaanissartik FN-illu Meeqqat pillugit Isumaqatigiissutaanik piviusunngortitsinissartik pillugu suleriusissaminnik sanaqqullugit, ilanngullugulu kommunit kaammattorusuppakka kommuniminni meeqqat pillugit oqaluttuat pitsaasut saqqummerseqqullugit, meeqqat illersuisuat Aviâja Egede Lynge oqarpoq.

Meeqqat illersuisuata inatsisai uani takusinnaavatit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER