pisinnaatitaaffiit
Meeqqat ilisimassavaat naaggaarsinnaallutik!
MIO meeqqat atuarfianni atuartitsinermi atortut nutaat saqqummersippaat
Meeqqat Pisinnaatitaaffii pillugit 20. november 2015-imi FN-ip Nunat Tamat Akornanni Meeqqanut Ullorititaanut atatillugu meeqqat atuarfianni akullernut 4., 5. aamma 6. klassinut atuartitsinermi atortut nutaat MIO-p saqqummersissavai.
Uanga timera
Atuartitsinermi atortut ateqarput ‘Uangaana timiga!’, imaralugulu meeqqat namminneq timertik pillugu aalajangiisinnaanerat.
Meeqqat pillugit Isumaqatigiissummi artikili 19 malillugu meeqqat tamarmik annersarneqarnissamut, ajoquserneqarnissamut atornerlunneqarnissamullu illersorneqassapput, tassunga ilanngullugu kinguaassiutitigut innarlerneqarneq.
MIO isumaqarpoq, meeqqat namminneq timertik pillugu killissa aalajangiisinnaanerannik ilinniartinnerisigut, persuttaaneq atornerluinerlu pinaveersaartinneqarsinnannut aqqutit ilagigaat.
Pisinnaatitaaffiit
Atuartitsinermi atortut sammisat taakku kiisalu piumasarneq misigisaatsillu, isertukkanilu paareqatigiittanermillu sammisat aallaavigalugit suliaapput.
- Ilisimavarput Nunatsinni meeqqat amerlavallaat innarlerneqartarlutik peroriartortartut. Meerarpassuit naaggaarsinnaatitaaneq timikkullu innarlerneqaratik peroriartorsinaatitaanertik ilisimanngilaat, Meeqqat illersuisuat Aviâja Egede Lynge erseqqissaavoq.
Atuarfiit tamarmik
MIO-p (Saaffik suleqatigalugu) atuartitsinermi atortut Meeqqat pillugit Isumaqatigiissutip ilisimaneqalernissaata pingaartumillu kinguaassiutitigut innarliisarnerup pinaveersaartinneqarnerata ilaattut suliarai.
Atuartitsinermi atortut Kalaallit Nunanni meeqqat atuarfiinut tamanut nassiunneqassapput. Immikkorluinnarlu nunat tamat akornanni meeqqat ulluannut atatillugu paffimmiut oqaasertallit 'UANGAANA TIMIGA – Det er MIN KROP' meeqqanut aamma inersimasunut MIO-p nassiutissavai.
Aamma atuaruk: MIO: Atuarfiit tamarmik qinngasaaruttarneq pillugu politikkeqartariaqarput
MIO-p atuartitsinermut atortut saqqummiussaat uuma ataani takukkit