Meeqqat Ikiortigit nutaamik siulersuisuunertaarput

Meeqqat Ikiortigit aallartitaat ulloq 29. juuni ataatsimiipput, peqatigiiffiup suliaanik ukiuni tulliuttuni marlunni nangitsisussanik siulersuisunik nutaanik toqqaasoqarluni.

Siulersuisuunerit nutaat ukuninnga inuttaqarput, siulittaasoq Jonna Ketwa, siulittaasup tullia Ea Krassél, aningaaserisoq Emil Skjervedal, Aaja Chemnitz Larsen, Karen Schleiss, Arina Kleist, Josefine Duer, kiisalu sinniisussat Arnajaraq Joelsen aamma Jesper Schrøder.

Siulersuisut nutaat Kalaallit Nunaanni meeqqat pisinnaatitaaffii illersorniarlugit toraagaqarluni sulinissamut qilanaarlutik allapput.