Meeqqat digitaliusunik atuinermi ileqqorissarnissamik ilinniartinneqassasut
Meeqqat atuarfianni 7. klassimiit qummut atuartunut ilinniartitsissutissaq, WiFive maanna saqqummiunneqarpoq. Meeqqat ilaatigut inuit attaveqaqatiigiittarfianni digitalikkullu attaveqaqatigiittarfinni allani qanoq pissusilersortarnissaq ilinniassavaat.
Digitaliusunik atuinermi ileqqorissaarnissamik atuartitsinermi atortussat saqqummiunneqaqqammerput, taakku Kalaallit Nunaanni meeqqat atuarfianni atuartut Digitaliusunik atuinermi ileqqorissaartumik atuinissamut ilisimasaqarnissaat qulakkiissavaat.
'WiFive' atuartitsinermi atortuuvoq, nunami tamarmi 7. klassimiit qummut atuartunik iliniartitisinermut atorneqartassaaq.
- Maani nunatsinni taamatut ittumik suliniuteqartoqarnissaa pisariaqarpoq, atuartut internetsimik atuinerminni eqqarsarluartarnissaat pisariaqarami. Portalimik atuinermik ilinniartitsisoqassaaq, assersuutigalugu ilinniartitsissutini Der er brug for sådanne tiltag herhjemme, hvor skolebørn skal give stof til eftertanke, når de er på internettet. Der skal være undervisning ved brug af portalen, for eksempel i fagene 'inuttut ineriartorneq', 'kalaallisoorneq danskisoornerlu kiisalu inuiaqatigiilerineq' eqqarsaatigalugit, IT-mut tunngatillugu atuarfimmi siunnersorti Ane-Kathrineq Petersen Sermitsiaq.AG-mut oqarpoq.
Avitseqatigiittoqannginnerani aperinissaq pingaaruteqartoq
Portali ilaatigut inunnut allanut qanoq attaveqartarnissaq teknologiimillu paasinnissaq pillugit imaqarpoq.
- Taanna aqqutigalugu inunnut allanut attaveqaraangatta susoqartarnersoq ilinniarneqassaaq, tassa teknikkit sorliit atorneqassanersut kiisalu qanoq attaveqatigiittoqartassanersoq. Meeqqallu atuarfianni atuartut inuttut isumannaassuseq paasissutissanillu avitseqatigiittarneq ilinniassavaat, assersuutigalugu assiliisimagaanni pingaaruteqarpoq, inuit assimi ilaasut apereqqaarlugit, ilisimateqqaarlugit assimik internetsimut ikkussisarnissaq, taanna erseqqissaavoq.
Portali atuartitsinermi atorneqartussaq modulinut sisamanut avinneqarsimavoq aamma TDC Groupimit Danske Skoleeleverimiillu digitaliusuni ataqatigiilluarnissamut tunngatillugu ineriartortinneqarsimalluni.