Ilinniarneq

Meeqqat atuarfiata digitalinngorsarneqarnissaa ataqatigiissaarneqassaaq

Namminersorlutik Oqartussat meeqqat atuarfianni digitalinngorsaanissamik iliuusissanut periusissamik suliaqassapput.

Meeqqat atuarfii ukiuni makkunani digitalinngoriartuinnarput. Namminersorlutik Oqartussat maanna ataatsimut iliuusissamik suliaqarniarpoq, iliuusissata ataqatigiinnissaat qulakkeerniarlugu.

Ilinniartitaanermut Aqutsisoqarfik aamma Digitalimik Sullissinermut Aqutsisoqarfik suleqatigiillutik periusissiorniarput, taamaalilluni misilittakkat meeqqat atuarfiinit tamanit iluaqutigineqarniassammata.

Tamanna ataqatigiissaarinermik pitsaanerusumik, ingerlatanik tulleriiaarinermik aamma pitsaassusissanik qularnaarisarnermik, digitaliusumik suliniutini maanna ingerlanneqartuni siunissamilu aallartinneqartussani qulakkeerinneqataassaaq.

- Atuartitsinermi IT tupinnartuliatut iluaqutissatut isiginngilarput, isumaqarpugulli atortorissaarut atorfissamini isumaqartuni iluaqutigineqassasoq, suliaqartut tusagassiuutinut nalunaarummi allapput.

Suliniuteqartut isumassarsianik nutaanik pissarserusupput, taakku uani tunniunneqarsinnaapput.

Iliuusissanut pilersaarummut missingersuusiaq naatsorsuutigineqarpoq saqqummiunneqarlunilu oqallisigineqassasoq kommunini ingerlatsivinni pisortat akornanni apriilip aallartissimalernerani.

Powered by Labrador CMS