Skip to main content

Meeqqat atuarfiat pillugu aaqqissuusseqqinnermi peqataatitsinerunissaq IA-p piumasarigaa

Meeqqat atuarfiat pillugu aaqqissuusseqqinnermut tunngatillugu pilersaarutit pillugit ammanerunissaq, IA-mi Sofia Geislerip Mimi Karlsenillu piumasaraat.

Meeqqat atuarfiat ilinniartitaanerlu aaqqissuusseqqiffigineqarnerani paasissutissat saqqummiunneqartartut annikippallaarput. IA-meersut Sofia Geisler aamma Mimi Karsen, Inatsisartuni ilinniartitaanermut, kultooreqarnermut, ilageeqarnermullu Ataatsimiititaliami ilaasortaasut taama isumaqarput. Sammisaq pillugu ataatsimoorlutik tusagassiutinut nalunaaruteqarput.

Sofia Geisler ​​​​​Mimi Karlsenilu tusagassiutinut nalunaarumminni allapput Naalakkersuisut ilinniartitaanerup aaqqissuuteqqinneqarnissaannut pilersaarutaat Inatsisartut oqaluttarfianit soqutigisaqartunillu allanit tusarsimallugit. Aaqqissuusseqqinnermi meeqqat atuarfianni atuarnerup imarisaa atuarnerullu sivisussusaa malunnaatilimmik allanngortinneqassapput, allapput.

- Ataatsimiititaliaq Naalakkersuisumit akisussaasumit annerusumik akuutinneqanngitsoq ataatsimiititaliamut ilaasortatut oqaatigisariaqarparput. Suliap sumut killinneranut sulinerullu ingerlanneqarnerani immersueqataasussatut ataatsimiititaliaq ilisimatinneqassananilu akuutinneqanngilaq. Aaqqissuusseqqinnerup imarisaa pillugu Naalakkersuisoq akisusaassasoq ataasiarluni saqqummiivoq, saqqummiunneqartulli tassaapput siusinnerusukkut Naalakkersuisuusimasumit saqqummiunneqareersimasut, ataatsimiititaliami ilaasortat Sofia Geisler aamma Mimi Karlsen allapput.

Matut ammarlugit

Inatsisartuni ilinniartitaanermut, kultooreqarnermut ilageeqarnermullu IA-mit ilaasortat Naalakkersuisup akisussaasup meeqqat atuarfiat pillugu aaqqissuusseqqinnermi peqataatitsinerulernissaa qilanaaraat.

Taakku isumaqarput matut ammanerusariaqartut, suliat matoqqasumik ingerlanneqartut ikinnerulerseqqullugit.

- Ilinniartitaanermi aaqqissuusseqqinnerup matoqqasumik ingerlanneqarneratut naliligarput ernumassutissaqartitsivoq. Sulineq politikkikkut anguniakkat aallaavigalugit aqunneqarpa imaluunniit ulloq taanna aalajangigassaq oqaluttarfimmiit saqqummiunneqartussaq tassaariaannaava atorfilittat suliaat? Sofia Geisler aamma Mimi Karlsen apeqquteqarput.

- Ilinniartitaanermut, kultooreqarnermut ilageeqarnermullu ataatsimiititaliap Naalakkersuisumit akisussaasumit qanimut malinnaatinneqalernissaa qilanaarivarput. Taamaassinnaanngippat aqqutissanut ilaavoq sulineq pillugu paasisaqarumalluta §37 naapertorlugu apeqquteqartarnissarput. Tamannali aqqutissaasariaqanngilaq. Periuseq pitsaanerpaaq tassaavoq iluarsartuusseqqinnermut atatillugu sulinermi ilinniartitaanermut, Kultooreqarnermut ilageeqarnermullu ataatsimiititaliap qanimut suleqatiginera,​​​​​​ Mimi Karlsen aamma Sofia Geisler allapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER