ANGALANERMIT NALUNAARUSIAQ
Meeqqat angajoqqatik hashimik pujortaqatigisaraat
Mio-mit Kujataani angalanermit nalunaarusiami pisuut piitsullu assigiinngissuteqartorujussuusut takuneqarsinnaapput aammali meeqqat qulinik ukioqaliinnarlutik angajoqqatik hashimik pujortaqatigisarpaat
Meeqqat illersuisuat 2016-imi oktobarimi meeqqanik oqaloqatiginnikkiartorluni aamma inersimasut meeqqaallu inuuniarnerminni atugaat oqaluuseriniarlugit Kommune Kujallermiippoq.
Angalanerminilu nalunaarusiani pingasunngormat saqqummiuppaa, nalunaarusiaq atuarlugu tujorminartoq.
Meeqqat amerlasuut aanngajaarniutinik atornerluisuullutik oqaluttuartut angalanermini naapippai.
Atuaruk: Meeqqat illersuisuata Kujataani meeqqat atugaat ernummatigai
Angajoqqaatik ikiarooqatigisaraat
Hash naamaartarnerlu ajornartorsiutitaapput, tamatumani meeqqat arfineq-marlunnik ukiullit allaat naamaartartut meeqqallu qulinik ukiullit angajoqqaaminnik hashimik pujortaqateqartarlutik.
– Meeqqat tamakku allanik ajornartorsiuteqakkajuttarput, soorlu atuarfimmit qimaanerit, angerlarsimaffimmi isumassorneqannginnerit aamma sakkortuuliortarnerit imaluunniit inupiloqatigiittut illutik ataatsimoortut. Meeqqat ukioqqortunerusut nukarlersatik hashimik pujortartarnissaannik naamaartarnissaannilluunniit ilinniartittarpaat aamma angajoqqaat tungaannit meeqqat tamakku akisussaaffigineqannginnerat tamatumalu malitsigisai oqaluttuarineqarput.
- Meeqqat ilaat angajoqqaaminni hashimik atornerluisuusuni alliartortartut ilaat pujuanit namminnerluunniit pujortaqataanermikkut ikiaruulersarput. Inersimasut angajoqqaallu hashimik atuisorujussuupput aamma taamaattumik meeqqat hashimik pujortartarneq nalinginnaasuusutut aamma akuerineqarsinnasutut isumaqarlutik peroriartortarput, Aviâja Egede Lynge Sermitsiamut oqarpoq.
Atuaruk: Meeqqat pillugit nalunaarusiap nikallunganartup borgmesteri iliuuseqartippaa
Allaaserineqartoq Sermitsiami kingullermi saqqummertumi tamaat atuaruk: Aviisi uani pisiariuk: