Skip to main content

Meeqqat aamma Nakuusa nipilioqqipput

FN-ip Isumaqatigiissitaliaa Meeqqat Pisinnaatitaaffii ukiuni 25-ini nalliuttorsiussaaq. Taamaattumik Nakuusap ulloq taanna Meeqqat pillugit Isumaqatigiissitaliaq qitiutillugu inuiaqatigiinnut malunnartitsiniarpoq

Politikkerit meeqqat atugaat pillugit annertunerusumik sammisaqassagunarput. FN-ip Isumaqatigiissitaliaa Meeqqat Pisinnaatitaaffii (Meeqqat pillugit isumaqatigiissitaliaq) ukiuni 25-nngortorsiorluni nalliuttorsiutigineqassaaq novembarip 20-ani. 

Taamaattumik Nakuusap ulloq taanna Meeqqat pillugit Isumaqatigiissitaliaq qitiutillugu inuiaqatigiinnut malunnartitsiniarpoq. Malunnartitsineq 'YES, Pisinnaatitaaffiit nukittuunngortippaatsit' marlunngornermi saqqummertussaaq. Aamma ullorsiornerup malunnaataasa ilagissavaat. Taanna meeqqanullu inuusuttunoortuuvoq, taannalu ilaatigut KNR-ikkut aallakaatitassiaaqqanit meeqqanut, FN-ip Meeqqat pillugit Isumaqatigiissitaliamit Meeqqat Pisinnaatitaaffiinik, oqaluttuarpoq.

- Meeqqat -  pisarnertik malillugu – peqatigiinnaavippaatigut – kampagneap oqariartuutaanik ineriartortitsinermiit suliarinissaa tikillugu. Tamanna meeqqanut immikkut paasisaqarfiuvoq, meeqqammi namminneerlutik oqaaseqatigiiliorlutillu oqariartuutiliortuugamik, pisumut ataqatigiissaarisoq Arnavaraq Jørgensen oqaluttuarpoq, nangillunilu:

- Meeqqanut pingaaruteqarpoq pisinnaatitaaffimminnik ilisimaarinninnissaq. Meeqqat, pisinnaatitaaffimminnik ilisimaarinnittut, pisinnaatitaaffimmik qaqilertornissaannik ajornanngitsitsinerusarput, innarlerneqarsimatillugit.

1989-imi novemberip 20-anni Meeqqat pillugit isumaqatigiissitaliaq FN-imi atuutsinneqalerpoq, Kalaallit Nunaannili 1992-imi Meeqqanut Isumaqatigiissitaliaq atsiorneqarpoq. Meeqqanut Isumaqatigiissitaliaq 54-inik immikkoortortaqarpoq, ilaatigut meeqqat inuunissaminnik, peqqissumik toqqissisimasumillu peroriartortitaanissaminnik pisinnaatitaaffeqartitaallutik. Atornerlunneqarnissaminnut immikkoortitaanissaminnullu aamma illersugaapput, atuartitaanikkut aaliangeeqataanikkullu ineriartornissaminnut aamma pisinnaatitaaffeqarlutik.

Malunnartinniarneqartoq novemberi qaammat naallugu ingerlaartinneqassaaq, KNR-ikkullu aallakaatitassiaaqqat saniatigut meeqqat atuarfeqarfii plakatinik, tajanik atuartitsinermilu pilersaarusianik qilanaartuutissaqartinneqarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER