Meeqqat 749-t 1. klassimi atualissasut
Kommuneqarfik Sermersuumi meeqqat 1. klassimi atualersussat amerlanerpaanerat pissusissamisoorluinnartoq Kommune Kujallermi 1. klassimi atualersussat ikinnerpaajullutik 100-t inungaatsiarlugit amerlassuseqarput
Aggusti tassaavoq qaammat tuttunniarnerup aallartiffigisartagaa, kisiannili aamma niviarsiaqqat nukappiaqqallu tallimanik arfinilinnilluunniit ukiut 1. klassimi atualerfigisartagaat, Sermitsiaq allappoq.
Ilinniartitaanermut aqutsisoqarfik paasissutissiivoq, nuna tamakkerlugu okatobarip 1-ani 2019-imi illoqarfinni atuarfiit 23-nik nunaqarfinnilu atuarfiit 52-inik amerlassuseqarsimasut, 1. klassinilu atuartut amerlassusaat ukioqatigiiaaniit ukioqatigiiaanut nikerartartut, nalinginnaasumillu nuna tamakkerlugu ukiut tamaasa atuartut 700-800-t 1. klassimi atualertartut.
Kommunit Sermitsiamut paasissutissiipput, ukioq manna nuna tamakkerlugu meeqqat katillugit 749-t 1. klassimi atualissasut.
Agguataarnerat:
Kommuneqarfik Sermersuumi, illoqarfiit pingaarnersaanni Nuummi illoqarfinnilu Paamiuni, Tasiilami Ittoqqortoormiinilu meeqqat 306-it 1. klassimi atualissapput.
Avannaata Kommuniani illoqarfinni Ilulissani, Uummannami, Upernavimmi Qaanaamilu meeqqat 150-it 1. klassimi atualissapput.
Qeqqata Kommuniani illoqarfinni Sisimiuni Maniitsumik meeqqat 115-it 1. klassimi atualissapput.
Kommune Qeqertalimmi illoqarfinni Kangaatsiami, Aasianni, Qasigiannguani Qeqertarsuarmilu meeqqat 106-it 1. klassimi atualissapput.
Kommune Kujallermi illoqarfinni Qaqortumi, Narsami Nanortalimmilu ukioq manna meeqqat taamaallaat 72-it 1. klassimi atualissapput.
Allaaserineqartoq aviisimi Sermitsiami tamakkiisumik atuaruk: