Meeqqat 30-it Kangerlussuarmi ataatsimeersuassapput

Nakuusa meeqqanut ataatsimeersuartitsissaaq novembarimi

Novemberimili ataatsimeersuarnissaanut atatillugu atuarfinni Nakuusaaqqat siunnersuusiortinneqarput, taakku siunnersuutaat kommunerisaasa Meeqqat Isummersorfiisa Kangerlussuarmukannginnerminni ataatsimiissutigissavaat.

- Taakkunanngalu siunnersuusiassaminnik inaarsaassapput. Tassani qulequtarineqarpoq inersimasut meeqqanut taakkulu atugaannut qanoq tusaanerulersissinnaanerlugit tassanngalu iliuuseqarnerulersinnissaat angutserumallugu, Nakuusa tusagassiutinut nalunaarummi allappoq.

Ataatsimeersuarnerminni aaliangersagaliaat pisarnertut politikerinut apuunneqarumaarportaaq.

- Ukiormanna kiisami kommunet tamakkerlugit ataatsimillu kangitsinnik peqataasoqarluta meeqqanik ataatsimeersuartitsinissarput qilanaarnaqaaq, tulluusimaarnaqaarlu maanna meeqqat piffinnit amerlasuunit sinniisoqarfimmeersut peqataassammata, suliamik aqutsisoq Najaaraq Møller tusagassiutinut nalunaarummi oqarpoq.

- Ukioru novemberip naalernerani annertuumik inersimasunik, politikerit, suliniuteqarfissuarnit, atorfilittaniit meeqqanik sullitaqartunut, ataatsimeersuartitsissaagut, tassani UNICEF suleqatigalutigu piareersaasiorpugut. Meeqqat ataatsimeersuarneranni aaliangersagaq tassani aamma saqqummiunneqassaaq. Meeqqammi ataatsimeersuarnerinni qulequtarineqartup inersimasunut ataatsimeersuartitsinissamut tapertaalluarpoq. Tamanna nutaajuvoq pissanganaqaarlu, Najaaraq Møller oqarpoq.

Powered by Labrador CMS