Skip to main content

Meeqqat 143-t utaqqisut allattorsimaffianniittut: Imatut aaqqinneqarsinnaavoq

Nuummi meeqqerivimmi inissaaleqinerit sulisussaaleqinerillu ajornartorsiutaasorujussuupput. Aaqqiissuteqartoqarnialerporli. Sanaartortoqassaaq, amerlanerit ilinniassapput – siunissamilu meeqqat ikinnerusut inunngussapput.

Nunatsinni illoqarfiit pingaarnersaanni piffissami sivitsortumi meeqqerivinni inissaaleqisoqarlunilu perorsaasussaaleqisoqarpoq. Kommunalbestyrelsemi meeqqanut atuarfeqarnermullu ataatsimiititaliap siulittaasuata, Poul Petersenip (D), aaqqiissutissarsiortoqarnera nassuiaatigaa.

Aviisi AG taama allappoq.

Sulisut ilinniarsimasunngorlaat kommunip meeqqeriviini sulilertussat oqaluttuarpoq:

- PI/SPS suleqatigalugu nammineerluta ilinniarsimanngitsut 18-t ulluunerani neqeroorutinut ikiortitut ilinniartippavut, Poul Petersen oqarpoq, taannalu ilutigalugu atuarfissuartaassamut atatillugu illoqarfiup qeqqani nutaamik meeqqerivimmik ammartoqarnera nuannaaruteqarnerarluni.

Suulli tamarmik aaqqinnissaat ungasippoq.

- Meeqqerivittaarneq aqqummut ajunngitsumut alloriarneruvoq. Annertussuseqarpoq. Illuatungaanili pitsaassuseqartariaqarpoq. Perorsaasutut ilinniarluarsimasut meeqqanik isumaginnissinnaasut amerlanerit pisariaqartippavut, taama nassuiaassivoq.

 Aviisimi AG-mi atuarnerusinnaavutit:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER