Meeqqasi perorsarniarsigik!
Oqalliseriaaseq sumi sakkortunerua: Inatsisartuni imaluunniit aqqusernit inatsisartuini? Qinikkat akerliussutsiminnik takutitsisut inersimasut assuaraat, meeqqat atorlugit ilungersuutigisaminnik angusaqarniarmata.
Nuummi akerliussutsimik takutitsisarnerit aalajangersimasumik periaaseqarfiusarput: Inuit Inatsisartut saavanni katersuuttarput, qinikkanullu oqaasipilunnik suaartartarlutik, qinikkallu majuartarfinnit torlulaartaat atorlugu imminnut illersortarlutik, avaallattunit ingiallorneqartarlutik.
Aviisi AG taama allappoq.
Takkussimasut ilarpassui kamassimasaqaat, ilaat kamattorujussuusarlutik, taamaattorli aalassassimaarnerujussuarmit annerusumik pisoqartarani.
Allami aamma ileqquusumik pisoqartarpoq: Pisut kingornagut qinikkat Inatsisartut ataatsimiittarfianni tikkuartortarpaat, inersimasut akerliussutsimik takutitsisut meeqqatik ilagisarmatigik oqaasipilunnillu suaartarnissaannik akuerisarlugit.
2014-imi aamma taama pisoqarpoq, meeqqat Aleqa Hammond erseqqissumik nilliaffigimmassuk, taannalu naggataagut tunuarluni.
Taamatoqqissaaq aamma pisoqarpoq, ministeriuneq 2018-imi ukiakkut Nuummut aqqusaarmat, mittarfiliornissanut isumaqatigiissummik atsioriartorluni. Novembarimi aamma taama pisoqarpoq, taamani illoqarfiit pingaarnersaanni inuit 500-t katersuussimasut suaartarmata »naammaleqaaq«.
Pissusissamik malinninneq oqaatigineqareerpoq – sunniutilimmik akerliussutsimik takutitsinissaq – akerliussutsimik takutitsinermi sakkortuuliortoqarsimanavianngitsoq – mamiatsattoqarsimanngippat. Taamaalilluni akerliussutsimik takutitsisut ilaasa immaqa tulluusimaarutigaat maanna atuarsinnaaleramikku: Qinikkat nuimasut aamma maanna isornartorsiormassuk meeqqat aqqusernit inatsisartuinut ilannguteqqinneqarnerat.
»Peqqinnanngitsoq«
Demokraatit siulittaasuat Jens Frederik Nielsen partiip siulittaasuatut siullermeerluni Inatsisartuni sapaatip akunnerani kingullermi oqaaseqartoq, inuiaqatigiit pillugit isorinnilluni inuppalaartumik isummersortoqartarneranut nuannarisaqartuuvoq.
Jens Frederik Nielsenilli oqaatigaa killiliisoqartariaqartoq:
- Oqallinneq ulluni kingullerni sakkortoorujussuuvoq. Inuit akerliussutsiminnik takutitsisinnaanerat soorunami ataqqissavarput. Oqariartaatsit sakkortuut atorneqarput meeqqallu qinikkanut qiterlerminnik nittarsaassisarlutik.
Aviisimi AG-mi atuarnerusinnaavutit. Aviisi uani pissarsiariuk: