Skip to main content

Meeqqanut ulorianartorsiortunut ataatsimoorluni akisussaaqatigiinneq

Nunani avannarlerni meeqqat ombudsmandii sapaatip akunnerata naanerani Ilulissani ataatsimiissapput

Nunarput siullermeerluni nunani avannarlerni Meeqqanut Ombudsmandinit tikeraarneqassaaq. Meeqqat Pisinnaatitaaffiinik Sullissivik MIO 2012-imi pilersinneqarnerminiilli nunani avannarlerni Meeqqanut Ombudsmandit attaveqatigiittarnerannut ukiut tamaasa paarlakaajaallutik nunaminni naapittartunut ilaasimavoq. Ukioq manna ataatsimiinnissami qulequtaq tassaavoq ”Meeqqanut ulorianartorsiortunut ataatsimoorluni akisussaaqatigiinneq”.

Siunertaavoq Nunani Avannarlerni Meeqqanut Ombudsmandit attaveqaqatigiittarfiata meeqqanut iluaqutaasussamik nunat avannarlermiut akunnerminni ilisimasanik avitseqatigiittarnissaat.

– Meeqqat Oqaaseqartartuattut atorfininnerma kingorna suliama siulliit ilaattut ilagaat ataatsimeeqataaneq iluanaaqaangalu peqataagama. Allat misilittagaasa iigarfiginissaat MIO-p suliaanut pingaaruteqarsimaqaaq, Kalaallit Nunaanni Meeqqat Illersuisuat Aaja Chemnitz Larsen oqarpoq.

– Tamatuma nassatarisaa tigussaasoq tassaavoq, suliniutit amerlanerujussuit aallarnisarsinnaasimagatsigit, suleqatigiilluarneq pissutigalugu, suliniutit Meeqqat oqaaseqartartui, Meeqqaat meeraanermut ilisimaqarluinnartuupput, aamma Nammineq timigisamut oqartussaaneq, Danmarkimi, Norgemi Islandimilu isumassarsiorfigineqarsimasut aallarnisarnissaannut ikiorneqarsimagatta, Aaja Chemnitz Larsen nassuiaavoq.

Nunani avannarlerni Meeqqanut ombudsmandit ataatsimiinnissaat pissaaq Ilulissani aggustusip ulluisa 23-aniit 25-anut. Taamatutttaaq aamma peqataasut ilaat nunani avannarlermiut NFBO-p, Nunani Avannarlerni Meeqqanik Naalliutsitsinermut Sumiginnaanermullu Akerliunermut Peqatigiiffiup, NFBO-p Nuummi ataatsimiinnissaani annertuumi peqataassapput.

Ataatsimeersuarnermi nunat akimorlugit suleqatigiinneq pillugu sammisassaqartitsisoqassaaq, tassunga ilanngullugu Naalagaaffiit Peqatigiit Meeqqanut Isumaqatigiissutaata november 2014-imi ukiunik 25-nngortorsiorluni malunnartinneqarnissaanut atatillugu Naalagaaffiit Peqatigiit Meeqqat pillugit Ataatsimiititaliarsuani nunat peqataasut suliaminnik ingerlatsinerannik nakkutilliilluni misissuinissamut kiisalu inuiaqatigiinni aalajangiisartullu akornanni meeqqat pisinnaatitaaffii pillugit maluginiarneruneqarnissap annertunerulersinnissaanut periarfissanik tamakkiisunik pilersitsinissaq siunertaralugu. Ataatsimeersuarnermi meeqqanik sullissisut meeqqallu arlallit peqataassapput, taakkununnga ilanngullugit meeqqat ulloq unnuarlu angerlarsimaffinni najugaqartut.

Meeqqat ilaqutariinni innarlerneqajasuni qulequtarineqarnerisa saniatigut qulequttat allat eqqartorneqassapput, taakkununnga ilanngullugit meeqqat innarluutillit,  meeqqanik peqataatitsineq aamma meeqqat inuiaqatigiinni inukittuniitut avinngarusimasuniittullu.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER