Meeqqanut suliat 80 procentii kukkuneqartut
Pitsaanerusumik sulisoqartariaqartoq kukkunersiuisut kommuninut oqariartuutigeqqippaat
Nunatsinni kommunit naatsorsuutaat kukkunersiorneqaraangata amerlasuutigut sakkortuumik isornartorsiorneqartarput. Oqaaqqissaarisuugajuttarpullu kukkunersiuisut.
Qeqqata Kommuniani nalinginnaasumik naammaginartumik aqutsisoqarpoq, kukkuneqanngivinngikkalli. Tamanna 2017-imut ukiumut naatsorsuutini AG-p allagaatinik takunnissinnaaneratigut misissorsimasaani ilaatigut kommunip isumaginninnikkut sulinerani kukkunersiuisunit BDO-mi nalunaarusiap ilaannit takuneqarsinnaavoq.
Maluginiarneqartoq
Ingammik nalunaarsuineq ataaseq kukkunersiuisut maluguniarpaat. Tassalu »meeqqanut inuusuttunullu ikiorsiissutit« pineqartillugit:
- Suliat ilaasa aqqissuussaanngitsumik tigulaaraluni misissornerisa takutippaa suliat misissorneqartut 80 procentii kukkuneqarlutillu amigaateqartut.
Kukkuneqartartut tassaanerupput marluk inatsisit naapertorlugit periusissat malinneqarsimasaratik: Kommunip angajoqqaarsiallu akornanni paaqqinninnissamut isumaqatigiissuteqartoqarneq ajorpoq, iliuusissanillu pilersaarusiortoqartarani imaluunniit kingusissukkut suliarineqartarlutik. Aamma iluarsiiffigineqarneq ajorput.
Aaqqiivigineqalersut
Qeqqata Kommuniani kommunaldirektøri Paneeraq Olsen, meeqqanut suliassarpassuit kukkuneqarnerannik, misissugassanik tigusisarnikkut takutinneqarsimasunik, uggorinnippoq. Kukkussutaasimasut aaqqiiviginiarlugit sulisoqartoq ilisimatitsivoq.
Allaaserineqartoq tamakkiisumik AG-mi atuarneqarsinnaavoq. Aviisi uani pisiariuk: