meeqqat inuusuttullu

Meeqqanut inuusuttunullu immikkut suliniuteqarnissamut immikkut aningaasaliisuteqartut

Inatsisartut aningaasanut ataatsimiititaliaa ilaqutariit centeriinut amerlanerusunik aningaasaliissuteqarpoq

Aningaasanut ataatsimiititaliaq immikkut aningaasaliissuteqarpoq. Assi Inatsisartut ataatsimiittarfiannit

Inatsisartut Aningaasanut Akileraartarnermullu Ataatsimiititaliaa ilaqutariit centeriinut tapiissutit 1 million koruuninik amerlivai.

Ataatsimiititaliaq taamatut aalajangiivoq maajip 3-anni ataatsimiinnermini.

Aningaasat aningaasanut inatsimmi ingerlatsinermut sillimmatitut taaneqartunit tiguneqassapput.

Immikkut suliniuteqarneq

Tapiissuteqarnermut aaqqissuussineq aningaasanut inatsimmi meeqqanut inuusuttunullu immikkut iliuuseqarnissamut kontup ataaniippoq.

Immikkut aningaasaliissuteqarneq sioqqullugu aningaasartuutinut missingersuutit tamarmiusut 17,4 millioner koruuniupput, tassa 2015-imi aningaasanut inatsimmi aningaasaliissutinut sanilliullugit 1 million koruuninik ikinnerusut.

Powered by Labrador CMS