Meeqqanut atugarliortunut illuaqqat akerliliisoqarneranit unitsinneqarput
Meeqqanut ulloq unnuarlu angerlarsimaffik aamma najugaqatigiiffik illuaqqiornissamut qinnuteqarsimagaluartut, sumiiffinni sanileriligissat nunaqarfinnilu aqutsisut akerliunerannit itigartinneqarput.
Meeqqat inuusuttullu atugarliortunut asimi illuaqqiuunnissaat ajornaatsuinnaarpasinngilaq.
Meeqqanut ulloq unnuarlu angerlarsimaffik Nuummiittoq nunaqarfimmi Kapisilinni marlunnik illuaqqiornissamut qinnuteqarsimagaluarpoq. Pilersaarutilli nunaqarfimmi najugaqartunit illuaraateqartuniillu allanit akuersaarneqanngillat, allakkatigullu akerliliisoqarsimalluni.
Akerliliinerit kingunerannik Kommuneqarfik Sermersuumi Sanaartornermut Avatangiisinullu Ataatsimiititaliap meeqqanut ulloq unnuarlu angerlarsimaffiup qinnuteqaataa itigartippaa. Najugaqatigiiffiup allap Qooqquni illuaqqiornissamut qinnuteqaataa ataatsimiititaliap aamma itigartissimavaa.
Ataatsimiititaliami siulittaasoq naapertorlugu suliani akerliliinerit aalajangernermi initusimapput. Malitsigiinnarlu Nuummi innuttaasut pingasut nunaqarfimmi illuaqqiornissamut qinnuteqaataat ataatsimiititaliap akuerisimavai.
Akerliusoqangaatsiartoq
Nunaqarfimmi najugaqartut, nunaqarfimmili aqutsisut, nunaqarfimmi illuaraatileqatigiit aamma nunaqarfimmi unnuisarfik akerliusimapput.
Akerliusut tamarmik meeqqat angerlarsimaffiup avataanut inissinneqarsimasut nunaqarfimmiinnerulernissaat ernumanartoqartippaat.
Illuaraatileqatigiit Kapisillit ilaatigut allapput illuaraatileqatigiit paaqqinnittarfiup atugassaannik sanaartornissamut akuersisoqarnissaanik kissaateqanngitsut.
Foreningen mener, at der i forvejen er problemer med børn og unge, som benytter de nuværende institutioner i Kapisillit. Foreningen skriver blandt andet, at der har været hændelser hvor unge fra institutioner har begået hærværk og indbrud mod hytter.
Takkutigineqanngitsut najugaqartunullu akornusersuisut
- Arlaleriarluta naammattoortareerpagut meeqqat nakkutigineqaratik nunaqarfimmi ingerlaartut najugaqartunullu akornusersuisut. Nunaqarfimmi najugaqartut toqqissisimajunnaartarput, illuaraatileqatigiiffik allappoq.
Nunaqarfimmi aqutsisut qinnuteqaat tapersernagu allappoq meeqqat pineqartut sumiginnagaasuunerat pissutigalugu. Aammattaaq nunaqarfimmi aqutsisut isumaqarput suliniut Kapisilinni najugaqartunut aningaasaqarnikkut iluaqutaanavianngitsoq.
Meeqqanut ulloq unnuarlu angerlarsimaffiup qinnuteqaataanik itigartitsineq Sanaartornermut Avatangiisinullu Ataatsimiititaliap aalajangiiffigaa. Ataatsimiititaliami siulittaasoq Justus Hansen Sermitsiaq.AG-mut oqarpoq suliami akerliliinerit initusimasut, pingaartumik kommunip politikkerimmagu nunaqarfimmi aqutsisunik tusarnaarnerunissaq.
Ataatsimiititaliami siulittaasup sumiiffiit tikillugit takusassamaarai
Kisiannimi akisussaaqataannginnassi meeqqat atugarliortut aamma asimiittarnissaanut periarfissiissallusi?
- Akisussaafferujussuaqarpugut. Kisiannili nunaqarfiit pineqartut mikisunnguupput, paaqqinnittarfinniillu sanaartorfioreerlutik. Siulittaasutulli aamma ingerlatsivimmut ilisimatitsereerpunga najukkanut angalassasugut pissutsillu takusarlugit, siunissami aalajangiisarnissamut tunngavissaqarumalluta, Justus Hansen oqarpoq.
Meeqqanut ulloq unnuarlu angerlarsimaffimmut itigartitsinerup saniatigut najugaqarfiup allap Qooqquni illuaqqiornissamut qinnuteqaataa ataatsimiititaliap aamma itigartippaa.
Tusarniaanermi akerliliisut aamma tassani amerlasimapput. Ingerlatsivik ataatsimiititaliamut innersuussinermini ima allappoq:
- Tusarniutini tiguneqartuni kissaatigineqarpoq qinnuteqaat itigartitsissutigineqassasoq, najugaqarfiit illuaraateqartarsimanerannit misilittakkat tunngavigalugu. Najugaqarfik illuaqqiornissamut akuerineqassappat aserorterisoqarnissaanut, nipiliortoqarnissaanut eqqissiviilliortoqarnissaanullu ernumasoqarpoq.
Ataatsimiititaliami siulittaasoq oqaluttuarpoq najugaqarfik sumiiffimmi allami illuaqqiornissamut neqeroorfigineqarsimagaluartoq, najugaqarfilli taama kissaateqarsimanngitsoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...