Meeqqanik pornop siammarterneranut pineqaatissiineq piumasaqaatitalik
Ukiuitsut assingi kanngutsannartut atorlugit chatterneq piumasaqaatitalimmik ulluni qulini pineqaatissinneqarsimasunut inissiisarfimmiinnissamik pineqaatissiissutaavoq. Pineqaatissinneqartup pineqaatissiissut erngerluni Nunatta Eqqartuussiavianut suliassanngortippaa.
Angut 52-inik ukiulik sapaatit akunnerani qaangiuttumi marlunngornermi piumasaqaatitalimmik ulluni qulini inissiisarfimmiinnissamik Sermersuup Eqqartuussivianit pineqaatissinneqarpoq meeqqanik pornomik siammarterisimanermut suliami.
Aviisi AG taama allaaserisaqarpoq.
Eqqartuussivimmi siulittaasup eqqartuusseqataasullu marluk suliami unnerluussisussaatitaasut piumasaqaataat ataatsimut isigalugu malippaat, tasssalu 52-inik ukiulik (T) chattersimanersoq linkilu niviarsiaqqap 18-it inorlugit ukiullip assinganik ”kanngunartumik” imaqartoq ikkullugu.
T-p nalunaajaanermini aamma miserratigaa assinik pineqartunik pornonik takusaqarsimalluni.
- Assi siusinnerusukkut takusimanngilara. Taamaallaat 2017imi politiinit killisiorneqarlunga, oqarpoq.
Minnerunngitsumik chatterneq assimullu linki IP-adressianit aallaaveqartoq takuneqarsinnaammat.
Eqqartuussut suliassanngorteqqippaa.
Suliaq pillugu AG-mi paasisaqarnerusinnaavutit, taanna uani ataani linki aqqutigalugu isissutissarsiffigisinnaavat: