Skip to main content

Meeqqanik perorsaariaaseq Inatsisartut eqqartussavaat

Pingaaruteqarpoq immitsinnut kusanartumik oqaluuttarnissarput. Eqqaamallugulu qujasarnissaq arlaata ikiorpatigut. Sammisaq taanna Demokraatit Inatsisartut upernaakkut ataatsimiinneranni eqqartugassanngortissimavaat.

Ataqqinninneq ileqqorissaarnerlu pingaaruteqartunut ilaapput inuiaqatigiit pitsaasut najoruminartullu pilersinneqassappata, Nivi Olsen (D) taama isumaqarpoq.

Tamanna pissutigalugu taanna oqallinnissamik siunnersuuteqarpoq, meeqqavut qanoq perorsarneqarnissaat pitsaasumik inuiaqatigiinni innuttaaqataalernissaat anguneqassappat.

Angajoqqaat sumiginnaasut

Nivi Olsenip ilisimavaa taakku isumaqarumaartut Inatsisartut-politikkerit pinnatik, angajoqqaat meeqqanik perorsaasussaasut.

- Uani arlallit aperissajunnarsipput: Inatsisartut tamanna susassaraat? Aap; susassaraat, taanna siunnersuummini tunngavilersuuteqarluni taama allappoq.

Suut tamarmik angerlarsimaffimmi aallartittarput. Ajoraluartumilli nunami maani amerlavallaat, tunngaviusumik perorsarneqarneq ajortut, Nivi Olsenip (D) oqaatigaa.

Tamannalu pissutigalugu meeqqat atuarfimmi ilinniartitsisuminnut iluamik tusarnaarsinnaanatillu ataqqinnissinnaaneq ajorput.

Ilinniartitsisut ataqqineqassapput

Tamanna pissutigalugu ajornartorsiut Inatsisartuni eqqartorneqartariaqartoq, Nivi Olsen (D) isumaqarpoq.

- Akisussaaffigaarput erseqqissaassutigissallugu, immitsinnut ataqqeqatigiissasugut aamma ileqqorissaarluta inuussasugut, tunngavilersuutimini taanna allappoq.

- Akisussaaffigaarput, kikkut tamarmik - meeqqat inersimasullu - paasissammassuk pingaaruteqartoq atuarfimmi ilinniartitsisunut ataqqinninnissaq

-  Kikkut tamarmik paasissagaat, qinngasaarineq eqqunngitsoq, atuarfimmi anitsiartarfimmi imaluunniit qarasaasiamiluunniit inuit naapittarfiini pissagaluarpat.

Politikkerit maligassiuilluartariaqarput

Taanna isumaqarpoq angajoqqaat saattariaqarigut qitornaasa inunngunnginnerini, aammalu pitsaasumik perorsaariaatsimut tunngasunik atorluarsinnaasunik sanaartortitsioqassalluni.

Naggataatigut minnerunngitsumillu politikkerit imminnut eqitaarnerusariaqartut taanna isumaqarpoq.

- Inersimasut tamarmik maligassiuisariaqarput - minnerunngitsumik uangut maani inimiittugut. Immitsinnut ataqqilluta pissusilersorfigisariaqarpugut, isumaqatigiinngikkaluaruttaluunniit, Nivi Olsen, inimi suleqatini kaammattuuteqarfingai.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER