Matut matoqqasut tunuanni erngup nukinganik nukissiorneq
Nutaamik siunnersuuteqarnikkut erngup nukinganik nukissiorfiliassatut pilersaarutit allagaatinik takunnissinnaanermut malittarisassanut ilaatinneqanngillat.
Nunatsinni erngup nukinganik atorluaanissamut apeqqummut tunngatillugu Naalakkersuisut nakkutigineqarusunngillat aamma kikkut tamat tusagassiorfiillu paasissutissinneqarsinnaatitaanerat killilerusuppaat. Soorlu Maniitsup timaani taserujussuarnut atatillugu siunissami orsussamik atuiffiunngitsumik nukissiuuteqarniarnermut pilersaarutinut atatillugu. Tamatumunnga atatillugu Naalakkersuisunit nunani tamalaani suliffeqarfissuit angisuut suliniutigineqartumut 10 milliardit koruuninik aningaasaleerusuttut suleqatigerusunneqarput, Nunarput taamaalilluni nukimmik avammut tuniniaasunngorniassammat.
Aviisi Sermitsiaq taama allappoq.
Nalunaarutissatut siunnersuutigineqartumi, aggustimi tusarniaassutigineqartumi tamanna atuarneqarsinnaavoq. Siunnersuutigineqartumi erngup nukinganik nukissiorfiliornissanut pilersaarutinut tunngasut nalinginnaasumik allakkatigut attaveqaqatigiinnerit pisortaqarfiullu ilumini sulinermini pappiaqqat atugai tamanut ammasumik ingerlatsinissamik nalinginnaasumik aalajangersakkat pinngitsoortinniarneqarput, tamatumani allagaatinik takunnissinnaatitaanermi allakkat ataasiakkaat nalilersoreernerisigut itigartitsisoqartassalluni.
Siunnersuutigineqartoq maannamut periuserineqartumik allanngortitsinngilaq, tamatumanimi kikkut tamarmik allakkanik niuernermi isertugaatigineqartunik qulaarinnissinnaasut takunnissinnaatitaassanatik, soorlu suliarinnittussanik piukkunnartussarsiornermi, suliariumannittussarsiuussinerni assigisaanilu.
Naalakkersuisulli naatsorsuutigaat, nalunaarut nutaaq allaffissornikkut pisariillisaataassasoq aamma erngup nukissiorfiliornissanut atatillugu isertugaateqarfiusinnaassasoq. ”Erngup nukinganut, soorlu Power to X-imik tunisassiornermut namminersortut aningaasaliinissaannut nunani tamalaani niueruteqarnermi isertuussisinnaaneq pingaarutilittut pisariaqarpoq, nalunaarutissamut oqaaseqaatini taama allassimavoq.
Aviisimi Sermitsiami atuarnerusinnaavutit. Aviisi uani pissarsiariuk: