Mattak inuttassarsineqanngivissoq: RAL iluanaarutaasumik maanna agguaalerpoq

Royal Arctic Linemit (RAL) mattak 118 kilo ulluni 14-ini inuttassarsiorneqaraluarami inuttassarsineqanngitsoorpoq. Piginnittoq kinaanesoq ilisimaneqanngitsuarsinnarpoq.

RAL sapaatip-akunnerani kingullermi pingasunngornikkulli inunnit marlunnit saaffigineqarsimavoq, inuit saaffiginnissimasut piginnittut kikkuusinnaanerannik ilisimatitsisimallutik.

RAL-imi pisortaq Kristian Frohn taamatut nassuiaavoq.

Nangillunilu oqaatigalugu:

- Atortorissaarutivut misissorsimavagut, inuillu mattammik piginnittuusinnaasutut taaneqartut piginnittuunngitsut misissuinitsinni paasivarput.

Tunissutigineqarlunilu aningaasaliissuteqarnermut atorneqassasoq

Pisortap itisiliilluni oqaatigaa, RAL-imit Akitsuuserisut qimmilerlutik scannerilerlutillu aggersarneqarsimasut.

- Nassiussamut aningaasanik hashimilluunniit toqqorsisoqarsimanersoq misissorsimavaat, taamaattoqarsimanngilarli, taanna tusatsiakkanik tamanik ilumoortortaqartoqanngitsoq nassuiaasoq oqarpoq.

RAL-imit piginnittoq ulluni 14-ini iluatsitsiffiunngitsumik nassaariniarneqarsimagaluarpoq. Kristian Frohnip ilisimatitsissutigaa, Mattak ni kilo Nuummi utoqqaat illuinut marluusunut RAL-imit tunniunneqarniartoq, taanna nassuiaavoq.

Nanu børn iluanaarutaasunik tunineqassasut

Sinneruttut 100 kilot illoqarfimmi niuertarfimmut tunineqassapput. Niuertarfiutilik kinaanerminik isertuusserusuttoq, pisortap oqaatigaa.

Mattak niuerfinni akigitinneqartartoq malillugu tunineqassaaq - mattak nalinginnaasuuvoq, taamalu akisunerpaajunani.

Aningaasat tunisinermi pissarsiarineqartut Nanu Børn-imi meeqqanik ulluinnarni atugarliorlutik inuusunut toqqissisimanerulersitsiniarlutik suliaqartartunut tunniunneqassapput.