Skip to main content

Masaana Egede Royal Greenlandimi attaveqatigiinnermut pisortanngortoq

Air Greenlandimi attaveqatigiinnermut pisortaasimasoq Royal Greenlandimi attaveqatigiinnermut pisortatut 2021-mi februaarip aallaqqaataani sulilissaaq.

35-nik ukiulik Masaana Egede februaarip aallaqqaataani Royal Greenladimi attaveqatigiinnermut pisortatut sulilissaaq. Tamanna pivoq attaveqatigiinnermi immikkoortortami aaqqissuussaanermi allannguisoqarnera tunngavigalugu, Royal Greenland tusagassiorfinnut nalunaaruteqarluni ilisimatitsissuteqarpoq.

Taamaalilluni suliffissuarmi attaveqatigiinnermut pisortaq Inga Dora G. Markussen taarsissavaa. Inga Dora G. Markussen nammineq kissaateqarnermigut atorfimmit tunuarpoq, suliffeqarfimmilu suliniuteqarnermut attaveqatigiinnermullu siunnersortitut sulilissalluni.

Pisortanngorlaaq Facebookikkut allappoq sulilernissaminut qilanaarluni. 

Saqqummilaarnerusoq

Masaana Egedep attaveqatigiinnermut immikkoortortaq ineriartorluartoq aqussavaa. Suliffissuarmit ilaatigut pilersaarutigineqarpoq, suliffissuup ilaatigut inuit attaveqaqatigiittarfiisigut saqqqummilaarnerulernissaa. Tamatumunnga peqatigitillu Royal Greenlandip iluani attaveqaat intranetsi "Ruujaaleeraq" Royal Greenlandimut tamarmut atuuttussanngorlugu annertusineqassaaq.

- Suliffeqarfiup iluani attaveqaat intranetsi Ruujaaleeraq immikkoortortat, tunitsiviit, kilisaatit nunallu killingi akimorlugit suleqatigiinnermik annertusaanermut atorniassammat Royal Greenlandimi tamarmi atorsinnaalersinnissaa Attaveqatigiinnermut Immikkoortortami sulissutigineqarpoq. Intranetsi nutaaq atulerpat atuisut aamma amerlissapput, tamannalu nutaarsiassanik suliffeqarfissuarmiit tamarmeersunik amerlanerusunik pilersitsissaaq, allassimavoq.

Suliffeqarfissuarmi attaveqatigiinnermut pisortap Attaveqatigiinnermut sulisoqarnermullu pisortaq Jens K. Lyberth qullersarissavaa.

Masaana Air Greenlandimi Attaveqatigiinnermut pisortatut atorfeqarsimallunilu ukiuni arlalinni KNR-imi radiomut pisortatut sulinikuuvoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER