Skip to main content

Martin Møllerip anguniakkani minutsimik ataatsimik inorpaa

Sotji-mi ukiuunerani OL-eqarnerani isortunerpaamit 50 kilometerinut sisoraatinik oqilaniunnermi russit ajugaapput, Martin Møller normu 45-unngorpoq

– Angusara ajorinngeqaara. Pitsaanerpaamik ingerlasimavunga. Sivisuumillu angummassinnaasimavunga.

Taamatut DR-p tusagassiortuanut Martin Møller oqarpoq, sisoraatinik isorartunerpaamut 50 kilometerinut oqilaniunnermi apuunnermi kinguninngua. Neriussimagaluarpoq tassani siulliit 40-t akornanniissalluni. Tamannali angunngitsoorpaa.
Siulliit 40-t akornanniinnissaminut minutsimik ataatsimik inuuttoorpoq normu 45-unngorlunilu. OL-imi 50 kilometerimut sisoraatinik oqilaniunneq aatsaat taama sukkatigisumik ingerlanneqarpoq, Norgelu pakatsisitseqqippoq. Norskeq tassani olympiadimi pissartaq Petter Northug normu 18-iulluni apuuppoq.

Martin Møller 50 kilometerimut unamminermi normu 45-ngorpoq atorsimallutit 1:52:32 - ajugaasumit Ruslandimeersumit Legkov-imit 5:37-nik kigaannerulluni, 40-llu akornanniinnissaminut minutsimik ataatsimik inuutilaarluni.

– Siulliit 40-t akornanniinnissaq angunngitsoorakku uannut soqutaavallaanngilaq. Tunngavittut anguniagaasimavoq, Martin Møller nuannaarluni oqarpoq, taannalu OL- mi misigisaqarluarsimalluni angerlassaaq.

DR sporten-imut oqarpoq imaassinnaasoq ukiut sisamat qaangiuppata OL-imut peqataaqqissalluni. Ukiuunerani OL-eqartarnerani manna tikillugu angusarissaarnersaasimavoq MIchael Binzer, taanna Nagano-mi ukiuunerani OL-eqarnerani normu 41-unngornikuugami.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER