Skip to main content

Martin Møller takutitsilluarpoq

Kalaaleqaterput ujakkaartartoq 2018-imi OL-eqarnissaanut siullermeerluni anngunniunnermi angusarissaarpoq

Sapaatip akunnerata naanerani Ulricehamnimi Sverigemiittumi sisoraatinik arpattartoq Martin Møller peqataavoq.
Aappaagu OL-mut anngunniassaguni World Cup-imi ajungaasumiik marloriarluni ujakkaarnermini annerpaamik 12 procentimik kingaannerulluni apuuttariaqarpoq.

- Massakkut iluatsippara ajungaasumiik 9 procentimik kingaannerullunga apuuppunga. 2018-imi OL-ertoqarnissaanut ingerlalluarpunga, Martin Møller Sermitsiaq.AG-mut taama oqarpoq.

Atuaruk: Martin Møller OL-mut anngutinngitsoorpoq

Qasujaannini iluarusimaarpaa

Ulricehamnimi ujakkaarneq 15 kilometerinik isorartussuseqarpoq, World Cup-imili ukiuni pingasuni peqataaffigisimasamini angusarissaarluni.

- Qasujaannera iluarisimaarpara angusarissaarsinnaallungalu. Decemberimi tamangajaat napparsimanikuuvunga pitsaanerpaaffigalu angujuminaatsissimallugu, Martin Møller erseqqissaavoq.

Atuaruk: Martin Møller VM-mut annguttoq

VM pingaarnerutippara

World Cup-ertoqarnissaa tullinnguukkaa. Tamanna Estlandimi februarip qaammataanni 18.-19. pissaaq kingornalu Finlandimi VM.

- Neriuutigaara unamminerup tulliani OL-imut anngunnissamut piumasaqaatit naammassissallugit. Finlandimi VM-ertoqarnissaa sukataarutissuara tassani 50 kilometeri pimoorunnerussuara, Martin Møller taama oqarpoq, ulluni makkunani sungiusaqattaarpoq qaammat ataaseq qaangiuppat VM-ertoqarnissaanut qasujaallisarluni

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER