Skip to main content

Martin Møller VM-ernissaminut piareersimalluartoq

Kalaaleq ujakkaartartoq unammeqataanermini 18-ssaattut inisseqqittoq

Ujakkaarnermi oqilaniuttartoq Martin Møller nunani tamalaani unammisarnermini qaammat kingulleq aatsaat taama angusarissaartigaaq, tassani italiami unammeqataanermini 18-iulluni apuukkami. Østrigimi Dolomiten Laufimi sapaatiummat 18-iulluni apuuteqqippoq. 

Angusani nuannaarutigeqaa. 

- Immamit 600 meterinik qatitsigisumi unammisoqartussaagaliarpoq, aputikikkiortoqarnerali pissutaalluni 1.600 meterimut nuutsinneqarluni. Nuummi sungiusaraangama taama qatitsigisumi sungiusarneq ajorama unamminitsinni malugilaarpara, Martin Møller allappoq. 

Taama qatitsigisumi sungiusarsimanngikkaluarluni 18-tut apuukkami nuannaarutigaa. 

- VM-ertoqarnissaanut qaammat ataasiinnanngorneranut taamatut angusaqarnera takutippaa piareersimalluartunga, Martin Møller oqarpoq. 

Italiami unammeqataassaaq
World-Cuperluni Ruslandimi akunnerup naanerani unammeqataasussaagaluarpoq. Ruslandimulli isernissaminut akuerisaanngitsoorpoq.

- Takisuumut unamminermi pissanganartumi peqataaqqissaanga. Italiami Marcialonga-mi 70 kilometerimut peqataassaanga sapaatiuppat. Unammineq unamminernit allanit allaanerulaarpoq. Sukkanerusumik ingerlaniassagama qangatoorlunga unammeqataassaanga. Sisoraatikka pujassassanngilakka, talikkalu annertunerusumik atussallugit, Martin Møller oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER