Skip to main content

Martin Møller unamminernut pingaarutilinnut piareeqqasoq

Kalaaleq ujakkaartartoq Martin Møller qaammamit kingullermit pitsaanerusumik unamminissanut piareersimanerulluni misigaaq. Qaammat kingulleq aatsaat taama angusarissaartigaaq. Østrigimi, Ruslandimi kiisalu Sverigemi VM-eqataanissaminut piareersimalluarluni nalunaarutigaa

Nuummi sungiusaqattaareerluni Martin Møller nunanut allanut unammiartulerpoq. Østrigimi Dolomiten Laufimi ujakkaarnermi maratoneriarluni aallalerpoq. Tassani unammeqataareeruni Ruslandimi World Cupeqataassaaq.

- Ukiumi uani unammiffiusumi anguniagaraara Sverigemi VM-ertoqarnerani piareersimalluarnissara. Aamma qaffariartuaannarnissara anguniagaraara. Ukiut pingasut qaangiuppata OL-eqarnissaani inuuninni aatsaat taama sukalarusutsigaanga. Anguniagara siammasissuuvoq, ukiullu unammiffiusut tamaasa pitsanngoriaateqartarnissara anguniarpara 2018-mi OL-eqarnissaata tungaanut, Martin Møller ilisimatitsivoq. 

Nangipporlu:

- Sungiusarnera pissusissamisut ingerlavoq qaammammi kingullermi. Nunarsuarmi ujakkaallaqqinnerpaanut unamminissara taamaammat qilanaareqaara, Martin Møller oqarpoq. 

35-nik ukiulik ujakkaartartoq sapaatip akunneranut akunnerni 25 -ni sungiusartarpoq, Nuummi ujakkaartartut aqqutaanni kilometerini 60-ni sungiusartarluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER