Skip to main content

Martha: Cannabis pillugu inatsisitigut aaqqissuussamik sakkukilliliiniartoq

Peqqissutsimut Naalakkersuisoq Martha Abelsen ilisimatitsivoq, cannabisip nakorsaatitut misileraaffigineqarneranut ilaatinneqarsinnaaneq pillugu danskit peqqinnissatigut oqartussaasuinut saaffiginnittoqarniartoq

Ullumikkut nakorsaatit cannabisimik akullit THC-millu akoqartut nunatsinni peqqinnissaqarfimmit tunniunneqarsinnaapput. Taakku nunap immikkoortuini nakorsaanernit Dronning Ingrid-illu Napparsimavissuani nakorsaanernit suliassaqarfimmik immikkut ilisimasaqartunit kisimi tunniunneqarsinnaapput.

Naalakkersuisut maanna piareeqqapput aaqqissuussamut tassunga ilanngunnissap sulissutiginissaanut, danskillu misiligummik aaqqissuussaanut 2018-imi januaarip aallaqqaataani atuutilersumut, ukiunilu sisamani atuuttussamut, ilanngunnissaq pillugu sulissuteqarnissamut.

Siulliunneqanngisaannassaaq

- Katsorsaatissatut siullertut toqqarneqanngisaannarput, nakorsaatilli allat inuunermut navianartorsiortitsisumik nappaammut annertusiartuinnartumut anniarunnaarsitsinnaanngippata pisuni ataasiakkaani atorneqarsinnaallutik. Taamaalilluni nunatsinni kræftimik nappaatilinnut nakorsaatinit pigineqartunit allanit iluaquserneqarsinnaanngitsunut annertuumik anniaatilinnut atorneqarnerupput, Martha Abelsen cannabis pillugu aalajangiiffigisassatut siunnersuutinut assigiinngitsunut pingasunut, Ukiakkut ataatsimiinnermi suliarineqartussanut akissuteqarnermini ilisimatitsivoq.

- Naalakkersuisut isumaqarput innuttaasut aanngajaarniutinik pissarsisinnaatinnissaat ataatsimut isigalugu tunuarsimaarfigineqartariaqartoq. Taamaakkaluartoq cannabisimik nioqqutissiat THC-mik akui 0,2% tikillugu akoqarsinnaanerisa pillugit maanna malittarisassat oqilisarneqarnissaannut Naalakkersuisut piareersimapput, artha Abelsen allappoq, ilisimatitsissutigalugulu nutaamik inatsisiliornissaq pisariaqartoq THC-millu 0,2%-imik akulimmik killiliiniarluni inatsisiliorluni suliaq aallartereersoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER