Sermersooq
Martha Lund Olsen ajorsarnertik pillugu: Inernerit naammaginanngitsut
Kommuneqarfik Sermersuumi Siumup kina pingaarnertut qineqqusaartorinerlugu oqaatigisariaqarsimangaluaraa, Martha Lund Olsenip oqaatigaa
Marlunngormat kommunalbestyrelsimut qinersisoqarnerani Nuummi Siumut taaguunneqarluanngitsoorpoq.
Qinersineq 2013-imi qinersinermut sanilliukkaanni Siumut qinisisai 580-nik ikileriaateqarput.
- Kommunimi qinersinerup inernera naammaginanngilaq, Martha Lund Olsen, qinersinermi 482-nik taaguunneqarsimasoq taama oqarpoq.
Qinersisartut annaagaat
Angusarlunnitsinnut patsisit arlaqarsinnaasut oqaatigaa.
- Partiitsinniik kina pingaarnerutissimanerlugu oqaatigisimasussaangaluarparput. Aammalu partiip ilaasortaatitai Siorarsiorfimmut assigiinngitsunik isummersorsimanerat qinersisartunik annaasaqarsimanermut patsisaasinnaalluni, Martha Lund Olsen oqarpoq.
Pitsaanerusumik isumaginnittoqarfilerineq
Nuannaarutigaalugu inuttut taaguunneqarluarsimanini.
- Sermersuumi innnuttaasut isumaqarsimapput pitsaanerusumik isumaginnittoqarfeqassasugut, qineqqusaarninnimi isumaginnittoqarfik pingaartissimavara.
- Kommuneqarfimmi illoqarfimmi allaneersunit qinerluarneqarsimanerput maluginiarsimavara. Tassuuna innuttaasut allannguisoqartariaqarneranik ersarsissumik oqariartuuteqarput, Martha Lund Olsen tikkuaavoq.
Kommuneqarfik Sermersuumi borgmesterinngunngitsooravit pakatsivit?
- Borgmesterinngorniarnissara nalunaarutiginikuunngilara. Partiittaana siulittaasuata (Kim Kielsenip) nalunaarutigisimasaa, Martha Lund Olsen oqarpoq.