Martha Abelsen: Meeqqat oqaloqatigisarnissaat eqqaamassavarput
Meeqqat Ulluannut atatillugu isumaginninnermut ilaqutariinnullu naalakkersuisoq, Martha Abelsenip meeqqat pitsaasumik meeraanissaasa pisariaqarnerat ersersinniarpaa.
Inuiaqatigiit tamarmik akisussaaffigaat Kalaallit Nunaanni meeqqat pitsaasumik toqqissisimanartumillu inuuneqarnissaat qulakkiissallugu. Martha Abelsen taama isumaqarpoq, meeqqallu pitsaasumik inuuneqarnissaat pingaartuusoq, juunip aallaqqaataanut atatillugu ersersinniarpaa.
Nakuusa har i samarbejde med børnealliancen iværksat et online initiativ, hvor børn over hele landet kan indsende en hilsen på det sociale medier. Naalakkersuisoq for sociale anliggender mener, at initiativet skaber en god fællesskabsfølelse.
- Meeqqat ulluanni Nakuusap aamma Børnealliancenip meeqqat akornanni ataatsimuussusermik qitiutitsinerat nuannaarutigaara. Minnerunngitsumik meeqqat nammineerlutik inuunerminnik oqaluttuartinneqarlutik ilaatinneqarnerat nuannaarutigaara. Meeqqat oqaloqatigisarnissaat eqqaamasassavarput, oqalliseriinnarnagit , Martha Abelsen tusagassiorfinnut nalunaarutimini oqaaseqarpoq.
Meeqqat inuusuttullu pillugit suliat
Isumaginninnermut ilaqutariinnullu naalakkersuisoq erseqqissaavoq meeqqat inuunerissaarnissaat naalakkersuisut eqqumaffigigaat.
- Ullumikkut meerarpassuit toqqissisimasumik inuuneqartuaannanngillat, naak taamamma tamatta kissaatigaluaripput. Tamanna isummersorfigineqarlunilu piviusunngortinneqassaaq, allassimavoq.
Angajoqqaat meeqqanik sumiginnaasarnerat akiorniarlugu, nuna tamakkerlugu iliuusissatut pilersaarut 2030-p tungaanoortoq naalakkersuisut saqqummiuteqqammerpaat. Aamma kalaallit-qallunaat suleqatigiillutik meeqqanut inuusuttunullu suliniutit nukittorsarneqarnissaanut innersuussutit 2020-mi aasap ingerlanerani saqqummiunneqassasut, naalakkersuisoq ilisimatitsivoq:
- Suleqatigiinnermit innersuussutit suliniutinullu iliuusissatut pilersaarutit ataqatigiilluarnissaat pingaartissimavara. Taamaaliornikkut ataatsimut isiginnittumik aaqqissutissat, piffissami sivikittumi, akunnattumi ungasinnerusumilu, meeqqanut inuusuttunullu pissutsit pitsanngoriartinnissaannut allannguinissat qulakkeerneqassapput, isumaginninnermut ilaqutariinnullu naalakkersuisoq oqarpoq nangillunilu:
- Taamaattorli aamma meeqqat tamarmik pitsaasumik inuuneqarnissaat qulakkiissagutsigu, taava uagut inuiaqatigiittut ataatsimoorussamik akisussaaffitsinnnik kivitseqataassasugut ersarissassallugu pingaaruteqarpoq. Tamatta akisussaaffipput pimoorutissavarput, Martha Abelsen oqarpoq.
Nalunaarusiaq aaqqiissuteqarnissamullu siunnersuutit 2020-mi ukiup affaani siullermi saqqummiunneqarnissaat naatsorsuutigineqarpoq.